..

دربي طويل وتايه فيه ممشاي
مثل الغريب اللي مضيّع دليله..

يحدني وقتي على ضيم دنياي
ورضيت بالمقسوم حتى قليله..

ياطول صبري وااه ياكبر بلواي
اخفي عن العدوان همي واشيله..

اخاف ابوح بسر قلبي وشكواي
وتصير نفسي بين ربعي ذليله..

اضحك ودايم بسمتي تسكن شفاي
ومن شاف حالي قال محدن مثيله..

وانا بجوفي هم والنار بحشاي
والجرح ينزف والليالي طويله..

والعمر يمضي بي وحاير بممشاي
محروم من طعم الحياة الجميلة..

الياس حل وماتت اليوم رجواي
ولا عاد لي غير الصبر من وسيلة..

يالله ياعالم بسري ونجواي
تشيل عن قلبي هموم ثقيله ..

..