تعودنا انا وانت .. تعودنا على النسيان
خذتنا عزة الدنيا وتهنا في ليالينا
تكابرنا .. على العشره
ولا به غيرنا خسران
صحينا .. والثمن غالي
وضعنا في خطاوينا
* * *
نحاول نكتم الحسره
نحاول نخفي الاحزان
نحاول والزمن اقوى وناره حيل تكوينا
قسينا في مشاعرنا
غلطت انت وانا غلطان
ولا شفنا سوى الحيره حبيبي وين ما ضينا
* * *
نبي نصبر ولا نقدر
ولا نعرف لنا عنوان
تغربنا في هالدنيا وماضي الشوق يبكينا
ندمت انتا وانا اكثر
اعيش بدنيتي ندمان
توقعنا نبي ننسى وذكرانا تصحينا