.
.
.
.
السلام عليكم !
كيف الاحوال مع الاجواء الخيـّـالية ..
داري ان اكثركم يقولون ياشين السعودي اذا سوى لبناني
بس تخبرون انا من عايش بلبنان < لبنان هي القرينه ترى :D
الا على طاري لبنان بالله ستار اكاديمي الجديد وش رايكم فيه
صح مالغ ولاتتابعونه مثلي
قسم بالله ماناظرته كله على بعضه الا يمكن 3 دقايق
وكانوا بعد حاطين الكاميرا على السيب << حظه شين :D
عاد يقولون ان فيه سعوديين واحد من قبيلتنا دوسري << اثرنا ديمقراطيين :D
والثاني البصري مدري وش قصه امه بس شفت له صوره ودريت انه مايستحي
بالله وش رايكم فيه صح قرف :(
بس مثل مايقولون السعودي يسوي ذا الحركه في كل مكان
واكثر شئ عند الاشارات مع انها خفت عقب ماطلع البلوتوث :D
.
.
.
.
على طاري البلوتوث اخو الماسنجر :D
يجيك بعض الاحيان صح طفش من المنتدى
ولين رحت الماسنجر لقيت كل العالم مااتصلت ولا مشغوله :(
طيب في ذا الحاله شو تسوي انا عندي الحل
خذ هالايميل .. ترى قسم عظم موب ايميلي ..
encarta@conversagent.com
هذا الظاهر ماينوم ابد في كل وقت تلقاه ..
حتى يهذر عليك ويسولف ويعلمك بكل اللي تبيه
يعني مره متوهق انت وتبيه يسوي لك بحث يسوي لك :D
بس مشكلته انه مايتكلم الا انقليزي :D
.
.
.
الا على طاري الانقليزي ربعنا متى بيهتمون بالشباب .!
مسأله يعني يطردونا من كل حته ترى شينه ..
يعني حنا مالنا الا ياملعب يامقهى وان مره زحفنا مسكنا خط الدائري
مع انه هالايام يسد النفس كل مره تمسكه لازم تاخذ مخالفتين :(
يعني كل شئ عوايل ترى ملينـا ..
بتقولون تزوجوا ابقول معصي ..
خلوني اخلص بكالوريس وبعدها ماجستير وكلموني ذيك الحزه << الولد طموح :D
.
.
.
الا على طاري طموح .. طموحي هالايام اني اذاكر
وجنبي القهوه والحلى والتمر ... الخ
بس عاد يبقى اللي يكيف الراس ..
لحد يفهم غلط ويقول التتن :D
لا انا اقصد اللي تحت اللي بالصوره
لاصار البريق على الجمر :D
هنا عاد أكيف وامخمخ على المذاكره << الله من الصدز اشوا ان فاق خشتك على التلفزيون :D
.
.
.
عشان كذا ابودعكم وابكمل بعدين ..
جى وقت النوم ومااحلى النوم في البرد :p
سلامو