عديـت بالمستقـلـي
مـن نايفـات العدامـا
عيال مفرج هـل لـي
دخيلهـم مـا يضامـا
وان جا سلفهـم يزلـي
ما يركبـون المسامـا
رصاصهـم مستجلـي
يكسر صليب العظامـا
يانجمة الصبـح ياالـي
سروا عليـك النشامـا
جيت المطوع يصلـي
صليـت معـه القيامـا
عديـت بالمستقـلـي
مـن نايفـات العدامـا
وآخيـل بـرق يسلـي
لا لاح وسط الظلامـا
وآخيـل بـدو تحلـي
ومرتّعيـن الجهـامـا
يارجم جعلـك مولـي
ياويل سهـل الكلامـا
ياخوي وآعبـرة لـي
منهـا عيونـي سقامـا
أبكي ولا أحدن فطن لي
راعي الهوى مايلامـا
جعل العجايـز تولـي
والعود ولـد الحرامـا
قد كدرو مشـرب لـي
يا ويلهم مـن الآثامـا
جيت المطوع يصلـي
وأدركت معـه القيامـا
سمعت انا صوت خلي
سلّمـت قبـل الإمامـا
ياضامر الوسط ياللـي
مـاذاق زاد ولا مــا
هرجه حديـث يسلـي
ريقه يـداوي السقامـا
شربـه حليـب يزلـي
مـن نابيـات السنامـا
مشيه مع السوق سلّـي
يشبه فريـخ الحمامـا
ياليت شمّر هـل لـي
دخيلـهـم مايضـامـا
سامريه للشاعر // رسوا المفرجية العوفية