السلاااااام عليكم ورحمة الله وبركاته ...

الله يسعد مساكم او صباحكم كله واحد ...

وش اخباركم ؟ وكيف نتايج الأمتحانات ... كلها كويسه ان شاءالله ... ؟؟؟

انا جايكم اليوم وانا في راسي اكتب موضوع ...

تحبون نبدأ في القصه على طول ؟

نبدأ ليش لا ... لعيون الحلوين نبدأ ...








استرجعت ذاكرتي للوراء قليلا ورأيت نفسي واقفا بين الأشجار والأنهار .... <<< بيقول شعر مستوحى من ايام العصر العباسي ... لووووووووووووووول




<<< يازيني وانا اتكلم عربيه فصحى ...

<<< من زينك عاد في اللغه العربيه ... ولا عمرك جبت كامل في مواد اللغه العربيه ...



خلونا من ذا كله ....

المهم يوم اني استرجعت ذاكرتي للوراء ..

قلت ابي اكتب قصه فكاهيه نرسم على شفاهكم البسمه

واتمنى تنال اعجابكم ...

والقصه على جزئين ...

ونبدأ على بركة الله

...............................





(( الجزء الأول )) ...



في يوم من الأيام الجميله في علطة الربيع ... (( عطلة الشتاء )) لأن حنا مايجينا شتى بالشرقيه وفي الخبر الا شهر بالسنه ...

ونستانس فيه مره مع ان يكون مو برد واجد ... بس تشوفون الناس كلهم بالجاكيتات حقت القطب الشمالي ...

واللي بفروته والناس حالتهم حاله

المهم ...

عقدنا اجتماع اللي هم اعضاء منتدى القناص وبعض المشرفين ...

وحره للبنات البطات اللي مايقدرون يروحون ويجون مثلنا ...

هههههههههههههههههههههههه :D

ونهايه الأجتماع اتفقنا على ان حنا بنطلع رحله للبر ... << اخس يا البدوي

بنخيم هناك ... ونشوف البر في الربيع ...

بالعربي نبي نعيش حياة البداوه اشوي ... :D

واقرينا كل الاعضاء والمشرفين ...

انا الي هو وجه سهامك . ن ع م 090 . ازهلها . yaseer 20 . عمر الرياض ... الي الـخ

المهم اتفقنا على ان بتتحرك سيارتين ...

السياره الأولى تضم ...

وجه سهامك yaseer 20 وازهلها

والسياره الثانيه الباقي كلهم ...


وجاء يوم الرحله ...

وانطلقت السياره الأولى اللي فيها انا وأزهلها و ن ع م 090

وبعدها تقريبا بـــ 3 ساعات ...

جات بتنطلق السياره الاولى

اللي تضم وجه سهامك وأزهلها و yaseer 20

انا كلمت أزهلها واتفقتنا على اني بتسلف الجيب حق عمي عشان نروح فيه ...

وخصوصا ان موديله جديد ... طبعا لالا تعليق vxR

قالي اوكي ...

تفأجات الصبح يوم اني نايم واسمع واحد حشرنا بصوت البوري ( الزميره ) قدام بيتنا ...

واطلع له بالسيف حق ابو جد جدي ...

كان يعرف احفاد الزير سالم ... واحتفظ به للذكرى ...

بس انا مو محتفظ به ... مخليه حق الهوشات ...

المشكله اني مااقدر اشيل السيف من ثقله ...

اذا جيت اتهاوش به ... اخذ البيت حق السيف واتهاوش به ..

ههههههههههههههههههههههههه

<<< مو قد السيوف حده مسدس ماي ...

وانا شايل البيت حق السيف ... وطالع ابي اشوف من ذا اللي ازعجنا من الصبح ...

بفقع راسه بدون تفاهم ...

طبعا اعيوني توني قايم من النوم مااشوف اللي قدامي ...

واطلع واشوف سياره بيضاء قديمه ... وماانتبهت منو اللي راكب فيها ... هم كانوا اثنين ...

واروح للي يسوق وانا مااشوف الا تشويش في الصوره ( في النظر ) لأني توني قايم ...

وامسك راس اللي يسوق ... واخنقه توني بضربه ببيت السيف الا سمعت صوت yaseer 20

يقولي ...وجه سهامك هذا أزهلها .... يبيك تنزل عشان نروح البر تأخرنا ...

وللأسف ماوصلت لي المعلومه الى الحين ...

تأثير النوم مازال مسيطر علي ...

وعاد الجمله 4 اربع مرات وبعدين استوعبت ...

فكيت أزهلها قالي الله ياخذ عمر شيطانك يا البرشلوني الحريقه ...

جب لي هواء جب لي أي شيء ... ابي اتنفس مو عارف

وادخل البيت واروح اجيب له البخاخ حق الربو حق اخوي ...

واعطيه أزهلها ... وللأسف زادت حالته سوء ...

قلت انا اعرف انت وش اللي يصلح لك ... واروح اجيب له اكل ...

هو بس شاف الأكل والفطاير والمناقيش ( المعجنات ) صار كويس ... صار مافيه شيء ... النفس حقه تعدل ....

ههههههههههههههههه :D

قلت ايه اعرف لك انا يا أزهلها الدب ...

قلت لهم طيب وش تبون الحين ...

قالوا لي .... شنهو اللي وش نبي ... ترى الشباب مشوا لهم ثلاث ساعات ...

يلله جب شنطتك وخلنا نمشي .... قلت لهم ... طيب بس بجيب الشنطه وبطلع سيارة عمي من القراج ...

قالي أزهلها لا لا ...

قلت له .... ليه ؟؟

قالي بنروح با الددسن حقنا القديم الي موديله 88ونشغل بشير حمد شنان ولا احلى وندق العصبه ونحط السلق في الصحن ونمشى عشان اذا شافونا قطاع الطرق قالو هذولي بدو همج ما نبي نقرب منهم .... قلت انتوا مو بعتوه ... قالي ... ايه ...

بس تسلفته عشان نروح فيه ...

قلت أزهلها .. حنا مانبي نخاطر ونروح رحله طويله بسياره قديمه ماتمشي 10 كيلو على بعضها

قالي لا ماعليك ... توني مشيك على الزيت والكفرات ...

هذي لو تبي توديك لندن عادي ... توصلك تقطع البحار هذي ...

قلت ايه واضح ... انا من دريت ان المكيف والمسجل والنوافذ خربانين وانا غاسل يدي ... ولا وتبي تشغل بشير هههههههههههههه :D

حتى البـيـبـان ... اذا جينا نفتحها لازم من برى .... هههههههههههههههه :D

يعني اذا جيت انزل من السياره ماعندي الا حل واحد ...

انتظر yaseer 20 يفتح نافذته لأنها هي النافذه الوحيده اللي تفتح ... ويطلع يده برى ويفتح بابه من برى بعدين ينزل و يفتح بابي ...

بعدين انزل انا واروح افتح الباب لـــ أزهلها ...

يعني اذا جينا ننزل من السيارة يبى لنا 10 دقايق عشان ننزل ...

قلت لهم اوكي ...

رحت لبست واخذت لي شاور ... واخذت شنطتي ...

ونظارتي الشمسيه ( شانل ) ...

واركب السياره مع أزهلها و yaseer 20

طبعا مثل ماقلت لكم حنا بنروح بر ...

والأخ yaseer 20 لابس لي برمودا ... على باله بيروح شاطئ الغروب الا وهو (( السانسيت))

وازهلها حاط على شعره جل وتسريحه حلوه ... مثل التسريحه اللي يسويها بشار الشطي ... ومره سواها هشام بستار اكاديمي ... << يقلدوني هع هع

وانا لا بس كت ... وجايب معي في الشنطه ترنكات شتويه ...

هذا وحنا بنروح بر ...

الله يعيين لو حنا بنروح امريكا وش بنسوي ....

اتوقع مانروح الا اذا رحنا الكوفيره وسوت لنا حركات وتسريحات بشعورنا ستايل ... وسبايكي وانواع الكريمات والجل وسبايكي كويتيه وسبايكي شرقيه وسبايكي غربيه شلون تجي مدررري لا تسألوني هع هع :D

ههههههههههههههههه :D



(( مشهد السياره ))

وحنا بالسياره بالطريق ...

جالسين نسولف ...

سألتأزهلها وقلت له انت راعي بر وروحات للبر

قالي ايه رحت ثلاث مرات البر ...

واكثر مده تميتها في الثلاث مرات في البر 45 دقيقه ...

علما بأنه البر اللي راحه ماكان يبعد عن بيتهم نص ساعه مشي بالرجول ...

يعني بالسياره عشر دقايق ...

والبر اللي حنا بنروح له ... يبعد 7 ساعات عن مدينتنا ...

وانا طبعا ... مااعرف شيء بالبر ...

لدرجة اني حاط في الشنطه مع سناره قلت يمكن نشوف سمك نصيده ...

هههههههههههههههههههههه :D

طبعا الأخ yaseer 20 هو اكثر واحد يفهم فينا ...

كان توه قبل سنتين جاي من البر ...

ويعرف كل شيء فيه ... بس مشكلته ...

ان يوم جبنا له ضب ذاك اليوم وقلنا له وش هذا ... ؟

قال هذا بريعصي ... ( زهيوي ) ...

ههههههههههههههههه :D

يعني بالعربي حنا الثلاثه مانفهم شيء ( مجموعه سبايك رازين وجيهم ) ...



وبعد مرور 4 ساعات من خروجنا من البيت ...

شفنا على جانب الطريق ضب يمشي ...

جلست اطالع أزهلها .... وهو يطالعني

قرأ افكاري ... قرا وش اللي يدور في راسي ...

قلت له ... ها ... نلحق الضب عشان اذا وصلنا لـــ ن ع م 090 والشله نعلمهم ان حنا نعرف ونفهم في البر ...

<<< عاد ماادري وش بتسوون انتوا ...

قالي أزهلها والله انك كفو يا وجه سهامك_20...
يلله خلونا نلحقه ...

قال yasser 20 والله مالكم داعي ...

اذا وصلنا عند الشباب نروح نضبب معهم ... قلنا له انا مع أزهلها ... ورى ماتنثبر اشوي ...

وتخلينا نركز ...


<<< اموت على التركيز يا هوووو ... هع هع :D


وفجأه وحنا على الطريق دخلنا على البر جلد يعني الطريق مستووي

ونطرد وراى ذا الضب ... ضب سريع ولد اللذين ... لو نحطه في الأولمبياد الجايه في بريطانيا ... اتوقع انه اقل شيء بيحقق الميداله الفضيه ...

المهم ... وحنا نطرد وراه ... ونطرد ... ونطرد ...

فجأه وقف الضب ... ونزلنا انا مع أزهلها

ولكن للأسف ماقدرنا نصيده ... رجعنا السياره وحنا خاويين اليدين ...

قالنا yaseer 20 قم بس قم انت وياه ... انا قايل لكم ماراح تصيدونه ... يقول انا من شفتكم تلحقونه تبون تضربونه بحذيانكنم ( الله يكرم القارين ) ...

وانا غاسل يدي انكم تصيدونه ... :D

المهم ... وتفاجأنا يوم ركبا السياره ...

صرنا بعاد مره عن الطريق العام ...

لدرجه ان حنا ضيعنا ... ماندري كيف نرجع للخط العام ...

وفجأه وحنا نمشي خلص البانزين ...

وحنا كنا متفقين في اول محطه تجينا بنعبي بانزين ... للأسف الضب خلانا ننسى ...

وتعطلت السياره وماصارت تمشي ...

ونزلنا من السياره ... نبي ابراج عشان نكلم الشباب ونقول لهم ...

لكن للأسف مافي ابراج ...

والله حالتنا حاله .. نبي قمر صناعي ... الكل صار عنده قمر صناعي ...

وحنا مازلنا على الأبراج ...

المهم ...

مافي الا جوال اyaseer 20 عشانه ( الكاتل) القديم ويصيد الأبراج ...

اما النوكيا ما يصيد ابراج ...

ودقينا على عمر الرياض ... وبعد اول رنه ... طفى الجوال لأن مافيه شاحن ..

حاولنا نركب بطارياتنا على جوال الباشا لكن ماتركب ... وللاسف مافي شاحن سياره ...

yaseer 20 يقول اصلا انا معتمد على جوالاتكم اني بتصل منها ...

وبعد مرور ساعه الا ربع من التفكير ...

قلنا بنفرش لنا فرشه ( مده ) جمب السياره الين نشوف حل ...



وللأسف قربت الشمس تغيب ...

وyaseer 20 وأزهلها حاطين روسهم على صدري وخايفين ...

( يا ربي على دلوعين امهاتهم ) ...

وانا اهديهم ... واقول لهم ... لاتخافون ...

ان الله معنا ... وان الله معه الصابرين << ذاك الووقـت صرت السديس

وفجأه غابت الشمس ...

تيممنا ( تججدنا للصلاه بس بتراب لأن مافي ماي ) ... وصلينا المغرب ...

وشبينا نار( ضويه ) عشان نتدفأ فيها ... وحنا جالسين حول النار ...

قال أزهلها انا عندي لكم حل ...

قلنا له وش الحل ... قال انتوا تبون تنامون بس خايفين صح ؟؟؟؟

قلنا له ايه ... قال انا عندي حبوب في السياره تخليكم تنامون ...

قلت له ... اهم شي ماندمن عليها ... قال لا تخاف ...

جربوها على فار في مختبر في شرق اسيا ... ماصار مدمن ...

قال yaseer 20انا خايف انا مااييها ..

قلت لـــ أزهلها ... هذا خواف ... اتركه عنك وروح نزل الحبه ...

وينزل الحبوب ... ويأخذ هو حبه ... وانا اخذ حبه ...

شافنا yaseer 20يوم خذناها ... جانا النوم على طول ونمنا ...

قام وخذ له حبه ونمنا ...

طبعا هذي الحبوب لها تأثير خاص ... واعلمكم ايش تأثيرها ...

وفي الصبح اليوم الثاني قمنا ...

وشفنا شيء غريب ... شفنا واحد واقف جمب ناقه وسالفته سالفه ...

وشفنا اشياء ثانيه غريبه ... ومغامرات مااقدر اكملها الا في الجزء الثاني ...

قريبا في الأسواااق ...

انتظرونا ...

روتانا ... للأنتاج الفني ...

كان معكم وجــه ســهــامــك_20

ذيباااان ولد الذيب المطيري ... هع هع هع

وانتظرونا ... في الجزء الثاني ..

ملاحظه (( هل مره شاركني في تأليف القصـه واحد من اخـوياي واتفقنا

انا وخويي اني اكتبها في المنتدى الي انا فيه الي هو القناص وهو كذالك

في المنتدى الي هو فيـه وعلى فكره القصه وبما فيها اشترك في البطوله

انا وازهلها ويـاسر 20 اما باقي الاعضاء الي ذكرتهم فوق راح

نذكرهم في الجزء الثاني والقصه مثل ما تعرفون خيال مضحك))