مساء الجوري ..والفل والنرجس .. مســــــاء الكرف والكشمه ...والقهوه مساءكــــــــــمـ خير .... < > < ذكريات الامس وما ادراكم ما الامس ... هذا اول بريك لي من امس...تو راده من الجامعة ..عندنا استاذه حابه تستنزفنا لا اخر قطره.. وبعد بما انه اليوم حفل ختام الانشطه بمدرسه اخوي ...كان لابد لها من تبييض لوجهه واستنفار جماعي >>>معذوره منهد حيلها في كل حفل يقام في مدرستهم لا بد من ان كل واحد يبدع ويجيب من ما لذ وطاب وطبعا اكل بره ما يشرف الاخو .. واكل الوالده قديم ...>>> ما قلت هو الي يقول واكل الشغاله ماله طعم اذن طاحت الطوبه في المعطوبه ...ما لها غيري ... ورغم ان صحتي بعدها مب ذاك الزود وعندي كويزات ابدا ما اعطيتها ولو التفاته ...ما حبيت اكسر بخاطره اخر العنقود ويحق له يتدلع >>> عجيب 13 سنه ويتدلع صراحه احترت وياه كل ما اقترحت له طبق انتقده لي ورفض .. وفي الاخير استقر وعلى مضض على.. حلو تيراميسو... وورق عنب بتشيلي .. وجلكسي الكورن فيلكس عاد كلهم يبي لهم كرف ومجهود >>>مثلها مثل الكيبورد ما همني طالما اني اقدر ارفع راسه بين ربعه بها الكم شغله ... استانست فيه وهو يحاول يساعدني رغم رجته وفلسفاته ... حقيقه الرجل ما خلق للمطبخ وكل شي يعرفه رغم ان الواقع ينكر ذلك .. اخذت مني الذكرى وقت بما اني مغبره عن المطبخ كنت راح انسى اصوله وفنونه كنت فخوره بنفسي وبحاجه للاطراء ... توقعت ارجع احصله فارش لي الارض ورد >>شمسويه لكنه فجاني وهو يقول والله اعجبهم الاكل وترى قلت لهم شغالتنا مسويتهم ....!!! طيب وانا ...ما بقى الا هي اقول اختي الي مسويتهم .. الحين لا الوالد ولا اخواني الي اكبر عنك شافو فيها شي با العكس يذكروني وهم مفتخرين يجيني ها البزر ويرز وجهه ويقول فضيحه .. عجائب اخر زمن والله ... وياما راح نشوف من ذا الزمان .. جد انواع القهر .. ^ ^ ^ كنت ناويه اتكلم شوي عن (امنا الغوله ) الاختبارات ... لكن في وضع مثل وضعي ما استطيع ... قمة الجمود الفكري يأسرني الحين .. بقي لي 4 ساعات واكمل 24 ساعه مواصله اذن ان صح التعبير تصبحون على خير ... ^ ^ دمتم بحلا وراحــــــــــه ودمتم بوناسه ..