أهلاً أبويزيد.. بالنسبه للرئاسه قبل كل شيء أحنا مع الرئيس الجديد من مايكون وحتى لو شاءت أهوانا شخص دون الأخر لكن فالأخير سنتفق على الرئيس وعلى حب الهلال قبل كل شيء.. بندر بن محمد: رجل الهلال الأول واللي مايعرف أبومحمد مايعرف الهلال ولايعرف وش معنى العشق الهلالي والدفاع عن الهلال الكيان.. رجل مع الهلال قلباً وقالباً ومع النجوم ومع الأدارات له وقفات لاينساها التاريخ الأزرق وله أنجازات مع الهلال وألقاب والى الان يعمل على مدرسه الهلال وأنتج لنا أسماء ومواهب لـ 20سنه قدام.. عبدالرحمن بن مساعد: الرجل الأحترافي الأول رجل يعمل بصمت يعشق الهلال كقصائده الجميله ومالشهوره وقفاته مع الهلال ونجوم الهلال ووفائه لايمكن أن ينكرها إلا الجاحدون.. مشهود له بالخلق وحب الهلال ووفائه وعطائه بالمال والجهد وأكبر دليل تجديد العقود وحفل الأسطوره وأموال دفعها للنادي مع الجانب المعنوي لاتنكر هذا الموسم وغيره من المواسم.. كـرأي: أولاً أتمنى بكل أمانه وشفافيه سمو الأمير عبدالرحمن بن مساعد رئيساً للنادي لعده أمور أولها لأنه رجل أحترافي جداً وعمله مشهود له بالدقه والأحترافيه والتنظيم والنجاحات اللي حققها أكبر دليل,, كذلك مجلس أدارته يعتبر مجلس أداره ناجح جداً اذا أتينا الى سمو الأمير نواف بن سعد اللي يعتبر مرشح للرئاسه وليس فقط لمنصب نائب ورجل يعمل بصمت وصدق ودائماً مع الهلال ورجاله وأدارته كذلك استفادته من خبره الأسطوره سامي الجابر ووضعـه مشرف على كره القدم بالنادي راح تفيد اللأعبين الناشئين والشباب وراح يقدم لهم أبوعبدالله عصاره 20 عام في الانجازات والبطولات وأيضاَ الأداري الناجح وبقوه عادل البطي والنظامي قبل كل شيء عودته للنادي نجاح يسجل لسمو الأمير عبدالرحمن قبل كل شيء.. كذلك طــــــــارق التويجري مهندس الصفقات الهلاليه ورجل الصفقات والنجاحات الهلاليه وطارق التايب أكبر دليل على نجاح هالرجل اللي طالبنا كثيييييييييييير بعودته للنادي والحمدلله شفناه يعود,, وأيضاً أحمد الخميس اللي يعمل بصمت ويحضر ويشارك ويدعم النادي ويقدم كل مايستطيعه خلف الكواليس,, يعني أسماء كبيره وشابه وكذلك هو وجه شاب وجديد على الرئاسه وأكيد بيكون له النشاط الكبير للعمل بحماس وأخلاص للنادي,, كذلك يمكن فيه أمر لم يتداول كثيراً هو أن الأمير عبدالرحمن سيضع عبدالله بن مساعد في حال رئاسته مسؤولاً للأستثمار في النادي وهذا ضربه معلم للنادي.. الأمير عبدالله رجل عقـود على قولتهم ورجل قدم عقود كبيره وأستثمارات مربحه جداً للنادي وأخرها عقد موبايلي اللي كان هو المسؤول عن بنوده وكل شيء فيه.. وهذي خطوه كذلك تحسب للأمير عبدالرحمن اذا نظرنا إنه بيوفر للنادي مردود جيد ويفكر كذلك بالأموال اللي تسير النادي خلال فتره رئاسته وكونه يضع مسؤول كألأمير عبدالله فقط للأستثمار هذا دليل على أنه يولي هالجانب جزء كبير من أهتماماته أتمنى بصدق وكل أمانه وشفافيه هالرجل لقياده الفرق ومتفائله خير بقيادته لأمور الفريق الأزرق ولاتنسون أن عدد كبير من عشاقه بينجرفون للهلال ويظلون يتابعون الهلال من مختلف أقطار الوطن العربي لأنه أشهر من نار على علم.. بالنسبه للي يقول الأمير بندر أنا ماني ضدالأمير بالعكس هذا رجل الهلال ولكن ودنا نشوف أسماء جديده وكذلك مجلس اداره الأمير عبدالرحمن صراحه قوي جداً كأسماء وأعضـاء ورجال مشهود لهم بالعمل والأحترافيـه العاليه والنجاحات.. فضلاً عن أن ودنا بأكبر عدد يخدم الهلال من الرجالات والأمير بندر متواجد في الهلال وسيظل رجل له منصب كبير في النادي وهو نائب هيئه أعضاء الشرف لو ماكان رئيس وغيرها من المبررات اللي تجعلنا نقول [ ودنا ببن مساعد ] .. وأرجع أقول مانختلف على من يصير وكلهم فيهم الخير والبركه وكلهم عاشقون للهلال وبالنسبه وش نبي منهم أبد نبي منهم ديدن من قبلهم من الرجالات والأسيويـه متعطشـون لها وياليت يعيدون أبناء النادي اللي أبعدوا بفعل فاعل خلال هالفتره ويضربون بيد من حديد على كل العراقيل اللي وضعت للهلال هالموسم ولايسمحون بأي شكل من الأشكال بالتجرأ من قبل الصغار على الهلال الكيـان شكراً أبويزيد وياليت نشوفك ولاتقاطعنا واجد لاقرروا من الرئيس نبي نشوفك بموضوع تحياتي