.
.
للأسف وصلتني قلة الحياء اللي سووها بعض المبزرة في الموقع
وكنت متوقعها لأني كذا سبحان الله من أول مره ماهضمتهم
ولا هم كفوا أصل لأن الرجاّل يبان من أول موقف طيبه من رداه
الشي الثاني الشللية زي ما قال أبو عبدالله ورب البيت ياللي بيجيب
لي بربسته اللي في الماسنجر عندي هنا بالموقع يضف عفشه ويقضب
الباب لو كان من يكون والسوالف اللي من طقة يا فلان شفت عينوا فلانة
والا يافلانه روحي اعزمي فلانة على الموقع الفلاني والا وش تبي بالقناص
تراهم مايقدرون و و و و الخ
أحب اقول كلمة بس لكل سوسة وكل واحد قليل أصل خصوصا من اللي كبرهم
القناص وعرف الناس فيهم من بعدما كانوا ( نكـــرة )
تراني عارفكم واحد واحد وعارفكم بالاسم و وش سويتوا لكن سكوتي ولا هو
قصور في العيال لأنشغالي بما هو أهم ولكن أن يوصل الموضوع ذروته
وتوصل قلة الحياء ترى ما عندنا مانع نربي اللي ماتربى
اللي ما هو عاجبه الوضع الله يستر علينا وعليه دربه خضر بيقعد بكرامه ومعزة
ويترفع عن علوم المبزره وحركات الخرفنة حياه الله مهب عاجبه الوضع
مره ثانيه أقولها ( ينقلع )
أخير لحد يصدق نفسه أنه فوق المحاسبة في القناص ولو كان أنا أو محمد
أو عبدالرحمن يعني باختصار لا يغرك لونك اخضر لونك بني لونك ان شاء الله فسفوري
لأن لونك هذا مهب نافعك لو أخطيت وطرت برى الموقع
ماكنت اتمنى انى اكتب رد بهاللهجة ولكن يعذروني البقية فأحيانا
في بعض الناس اعزكم الله عن ذكرهم ما يفهمون الا بلغة القمع والتأديب
دمتم بود 