الله يكتب اللي فيه الخير لموقعنا ...
وطول ماياسر يتعب عشان يفرحنا بالملعب
احنا نتعب له هنا .. ونقص كل يد تحاول انها
تخرب تعبنا وجهدنا ,
بكل صراحه اقولها جتنا ناس هنا بالموقع من العدم
كان قمة طموحه ان يكتب موضوع نسخ ولصق من جريده
والا منقول من موقع ثاني ..
شدينا على ايديهم ووقفنا معهم وآزرناهم وبعضهم حتى تسلم مهام أداريه
يعني وضعنا ثقتنا فيه ..

بعد ماكبر وطلع له ريش وصاروا الناس يعرفونه
صار يتكبر ويتغلى وليته يوقف على كذا ..

يثير الفتن و يعظ اليد اللي انمدت له ..

ماأبالغ لو اقول ترى مواقع انفتحت من ورى موقع القناص
وفيه يوزرات من هنا طلعت استغل اسم موقعنا وشهرته
فيه لتأسيس موقع له ..
بكل فخر اقول ان القناص هو سبب ذلك ..
وأحنا قلتها وبقولها زي ماتخرج من عندنا جيل ..
مستعدين نخرّج أجيااااااااااال ..

بس كل اللي اطلبه من الناس هذولي هو التزام الادب والرقي والترفع
عن بعض الامور ..
خلاص ياخي تبي تطلع من موقعنا اطلع والله مهو واقف لاعلي ولاعليك
مهو تقعد تدس الدسائس وتشن الحملات وتسن الحراب ضدنا ؟!

ليش ووش هو السبب ؟!!

ياخي لاتحترمنا احترم اسم صاحب الموقع
اللي جاب لك بطولتين هالسنه وياما فرحك
وخلاك تمشي وراسك مرفوع قدام اخوياك
وتهايط ان عندك لاعب زي ياسر القحطاني
وأنك مشرف في منتداه ,

والله عيب ياجماعه عيب

= = = == = = = =

بصفه خاصه اشكر الاخ روبن على الاجراء اللي اتخذه بحق زوبعة فكر
وصدق من قال ..
إذا انت أكرمت الكريم ......