مــوضوعك حلو وعجبني .. اسمعــي انا حالتي خاصه مدري تعتبر بعثه او لا -->آآوت انا من الشرقيه وادرس بالرياض الزبده انها مكان غير مكاني يعني بعثه -->بالله أقتباس ماودكم تدرسون بالخارج ..؟ وش رايكم فيها ؟ اذا كــان قصدكـ الخارج الخارج مثل امريــكا والدول ذي اكيــد الواحد وده يغير جـو ويشوف التطور وقسم دراستهم غييييييييير ياناس احــس اخوي بس راح بعثه تبع الوشسمه ذي سي بي سي ارامكو احسـه صار انسان مثالي واحــسه صار غيـر المهم ارجع لبعثتي الخاصه بما انها خارج ديرتي ((الشرقيه)) فأعتبرها بالخارج وبالنسبه برايي بالدراسه بالخارج تراها تفيد حتى بالطباع مهوب بس في التعليم انا بتكلم لك عن الطباع لأن التعليم وش فرقت يعني الرياض عن الشرقيه : 1-تعلمت اتحمل مسؤوليتي عالرغم ان في الرياض صاير خالي تقريباً المسؤول عني 2-تعلمــت الصبر يعني امي وابوي واهلي ساعات تمر 3 اسابيع مارجع الشرقيه ولااشوفهم ((طبعـاً في بعض الأحيان هم يجوني )) 3-حسيت نفســي اجد في مذاكرتي اكثر واكثر واكثر لأن ماعندي شي اسويه او شي يشغلني مثلاً لو كنت في ديرتي اكيد بكون جالسه مع اهلي او اطلع بأي وقت يعني في اشياء كثيرة بتشغلني بس بالرياض ماعندي شي غير منتدى القناص.. (( وفي بعض الأحيان اطلع مع بيت خالي واهلي اللي بالرياض )) هذا رايي الشخصي بحسب ماشوفه .. أقتباس وش رايكم بتصاميم مباني السعوديين ؟؟ مانيب ظالمة مبانينا احسها بدت تتطور وانا اختك يعنـي صارت عندنا ابراج ومجمعات ومباني تفتح النفس وانتي تشوفيها.. أقتباس وش برنامجكـ/ي اليومي إذا ممكن ....؟!! بـرنامجي يعتمد على حســب اللي علي تعالي لبرنامجي انا اسبوعي الدراسي ينقسم لقسمين اما :: 1-دوام في الجامعه يعني محاظرات 2-سشن ((تـدريب عملي في المستشفى )) اذا كــان عندي محاظرات في الجامعه اجلـس من الساعه 7 واخلـص واتجهز مع البنات اللي معي بالسكن ونــروح الجامعه ((محاظرات ورا محاظرات..الخ ونخلــص ونرجـع السكن اول مارجــع على طول افتح القناص اخذ لفه عليه ماتاخذ 5 دقايق واذا شفت موضوع رديت وبعـدها على طول انتقــل للمذاكره فوراً وبين المذاكره افتح القناص بعد يعني كذا يومي بين القناص والمذاكرهـ وقعده مع البنات اللي معي -->روتين قاااتل 2-اذا كــان سشن نروح المستشفى عادةً الساعه 9 الصبح وفي مره احد الدكاتره قال لاتجون الاالساعه 11 الظهر وفي المستشفى علـى حسب التطبيق ونوعه يعني ساعه نطلع 2 او 3 وحتى 4 وبعديـن كالعاده ارجع السكن ووو..الخ-->نفس اللي فوق نجــي للويكــند : الويكند نفس الشي ينقسم لقسمين 1-ويكند في الشرقيه 2-ويكند في الرياض الأسبوع اللي انزل فيه للشرقيه عادةَ ياأرجـع يوم الثلاثاء المغرب او الأربعاء الصبح-->عشان الأوف ويكون ويكند غير اشوف فيه اهلي واجتمـع مع بنات خالتي والعيله وبعـدها اطلع واتمشى..الخ والجمــعه الصبح ارجــع الرياض -->يعني 4 ايام بالشرقيه ويكند الرياض : ماسوي شي ساعات اطلع مع بيت خالي او اجلـس بالسكن زهقانه وانا طبعي اذا كنت زهقانه اروح اذاكــر وبس (( جــبت لك الجدول الشهري مهوب بس اليومي )) / / اختــي وجدان.. كعــادتك مبدعه في طرحـك وفي القضايا اللي تختاريها وبالنسبه للبــعثه ماقصــرت مملكتنا بعثت كثير من الطـلاب وأنا معــها تخـلي عيالنا يكتســبون لغه وتكون دراستهم متطورة وو..الخ بس للأسف في بعض الشباب هدفهم لعــب مهوب دراســهـ وانتــي تعرفي هناك وش يسوون بدون رقابه اهل وكذا.. عالعموم اللهـ يوفق الجمــيع.. وسوري طولــت كثير بس كان ودي اختصـر بس ماعرفت حسيت كل كلمه تكمل الثانيه -->برااا
* ................................