صحيح لو قالوا سفير البطولات
فعلا سفير مفوضا فوق عاده
نعم سفير وعمدة للسفارات
دايم مفوض من حكومة بلاده
هذا الهلال اللي على كل الأوقات
نايف على كل النوادي زياده
صداقة بينه وبين المنصات
دايم عليها في مكان السياده
مع الذهب يبنون دايم علاقات
وعلى التفوق ماخذين الوكاده
هلالنا لاجت ليالي المهمات
يسعد جماهيره بكل اجتهاده
أنا اشهد انه فارس للبطولات
بكل المحافل له زمام القياده
فيه الرجال اللي تحب الشجاعات
فيهم وفاء فيهم صميم الاراده
صقور نجد سطرت بالمهارات
فن ولحن توه حديث الولاده
لا جاء نهارا فيه كسب وخسارات
بادوا لك الخصم المقابل اياده
حطوالهم في كل دوله علامات
ابداع يبعث في النفوس السعاده
الذيب ما يركض عبث في متاهات
والحر تعرف قدرته من هداده
مبروك يا ديره بنادي البطولات
نادي خذا التتويج طبعا وعاداه