مساء 1_2_7 :(


1- أفضل لاعب هلالي ؟

محمد الشلهوب
:
2- مستوى الهجوم الهلالي ؟

- سيء
:
3- مستوى الوسط الهلالي وصناعة اللعب ؟
- جيد
:
4- التغطيه الدفاعيه ؟

- جيده

:
5- الحراسه الهلاليه ؟
- ممتازه

:
6- الحضور الجماهيري الهلالي ؟
- ممتاز

:
7- خطة وتكتيك المدرب في المباراه ؟
- ممتاز

:
8- تغييرات المدرب ؟

- سيء
:
9- مستوى التحكيم ؟

- سيء

الحين تحليلي وان كان مش ولا بد اعذروني ياللي متسدحين على اوربت..!!

الجمهور اليوم ياحلوهم بس هذولا جماهير الرياض اذا حضروا بس لو انها في الاستاد كان شفنا اكثر..

المفرج اليوم لحظة قلق وارتباك تسبب بهدف لم يكن يتخيله العلياني اتوقع نكبتهم هزازي يجيبه ولا هو:D

الغامدي اكثر من شفته يراكض هو واقل لاعب دبرة للاسف هو:(

في الشوط الاول كان كماتشو نجمه الاول لكن كعادته يحضر شوط يغيب مباريات:(

النصر لعب 1_2_7 مغير تكتلات تذكرت عصير الشقف:(

باكيتا:(

افضل مدرب لي بعد السير اليكس فيرغسون بس اليوم كان ودي امصع اذينتك يامال العافية:(

اليوم تكتيكك في المباراة كعادته ممتاز واستراتيجيتك حلوة لكن التغييرات وخاصة وقتها سيئة جدا..!!

سامي المفروض مايلعب..!!

نعرف هاللاعب غائب لمدة طويلة جدا لو انك منزله وقت نزول العصفور كان اهون بدال ماتحرج الرجال الحين انتظروا اللي بيقولون ماسواء سامي شيئ وهو مسيكين ما امداه:(

باكيتا كنت ومازلت وسأظل احترمه ان شاء الله لكن تغييراتك اليوم بايخة:(

اجل الشلهوب ظهير ايسر؟

لو انك طلعت كماتشو برا في الشوط الثاني كان افضل بدال ماترجع املنا الشلهوب:(

المفرج سبب الهدف النصراوي لكن يظل كبير والخطأ وارد وماقصرت والله يافهد

الجمعان لو ماتفلسف في الرأسية لو مثبتها بركادة ومازعها كان نشوف شريفي في العناية المركزة ولا بالع لسانه:(

ياسر آه يا ياسر :(

اجل كل هجمة معك لاعبين؟

مرة شراحيلي وكولمان ومرة الحارثي والجنوبي ومرة الحقباني والله كنت خايف عليه من انبراشة كولمانية ويروح وطي اهم شيئ طلع بسلامة من هالوحوش:(

قمت اشك ان فيه اداري نصراوي يمسكك:(

ابو سلطان

تصريح راقي راقي راقي واتعب وانا اقول راقي

ياسر الياس تسمع بالمراوح جعلك للجنة:(

القروني فاز على باكيتا اصفق لهذا الرجل على دوره وتكتيكه الذكي دافع صح ولعب عالمرتدات اهنيه لو اني منه اطلع من النصر يعتبر دوره قمة لاننا ماراح نشوف النصر بهالاداء الا ضد الهلال في الدور الثاني..!!



الجمهور كان متفائل بشكل خيالي وانا منهم بس توبة عقب هالنوبة مباراة ديربي ماتخضع لمقياس ابدا لكن ظروف النصر هالمرة اغرتني بالهواتريك حتى بغينا نقول الدعيع بيجي هدف بلنتي:(

و بلنتي ماحسبه الحكم لنا لمست الكورة يد واحد مدري من هو بس الله لايعمينا ياحكم..!!

على العموم تمنيتها خسارة لكن شفتها ثقيلة تعادل حلو يازينه:p

هالمباراة ياليت تعتبر قبصة اذن للجمهور اولا واللاعبين ثانيا لانفرط في التفاؤل خاصة في ديربي..