والي أعجبني أن روبن طلب أراء الاعضاء وهذا دلاله على شخصيه قياديه للمنتدى


وشكرك ياروبن لكن عندي بعض الملاحظات على المنتدى وقصدي سياسه المنتدى
حياك الله و أبشر بالإجابة الي تسرك إن شاء الله ,,

1- أنااشوف بعض المشرفين ليس بمكانهم الصحيح
وجهة نظرك و أحترمها لكن بأقولك شـي ,,
مستحيل بتلقى واحد يتفق عليه الكل ,, و إن اتفقوا مبدئيا بيختلفون بعديـن ,, هذا شي
الشـي الثـاني ,, الأغلب يتوقع ان تعيين المشـرف بوجهة نظـر شخصيـة ,,, او مزاج يعني
طبعا حنا ما نعين مشرف إلا بطلـب من مراقب الأقسام و يحدد القسم و يرشح لنا أكثر
من اسم يشوف فيهم القدرة على الإشراف ,, طبعا كل مرشح نشوف وش عليه و نتابع
ملفه كاملا و نختار المرشح نرسل له بدورنا خطاب نوضح له ان مرشح للاشراف ساعتها
يقبل أو يرفض هو حر بقراره ,, لكن نبين له وش المطلوب منه وش له و وش عليه عشان نكون
واضحين من البداية ,,,

عندي سؤال على كل نقطه ياروبن


ماهي سياستك لي أتخاذ المشرفين وياليت تبينها
شرحتها فوق


2- بعض المشرفين يفرض سيطرته على الاعضاء بمجرد أنه مشرف ولن أحدد ,,
شـف و أنـا أخـوك ,, فرض السيطرة مطلوب عشان تحافظ على النظام ,, و هذي لها حدودها
عندنا و متابع كل مشرف و بدقـة و دائما ما ننبه الإخوة و الأخوات من المشرفين و المشرفات
ان يكون بينهم و بين الاعضاء شعرة معاوية ,,, و الحمدلله كلهم يطبقونها على أفضل وجه ,,
فرض السيطرة مطلوب ,, مهوب كل الناس مثلك يا عزيزي متبع للنظام و عارف وش تكتب
وش ترد ,, فيه ناس لا والله يا الله تجلس تمشي وراه مع ان فيه قوانين و منبهين و موضحين
و ناس وقفناهم ولا زالوا يستمرون ,, لذلك فرض السيطرة مطلوب ,, لكن التسلط مرفوض


3- لماذا لاتكون هناك ترشيح للاشراف على حسب النقاط ,,
ما فهمـت وشلون على حسـب النقاط ,,,
لكن بأقولك هل كل عضو ممكن يصلح مشـرف هنـا السؤال ,,,


على حسب متابعتي للمنتدى من كم شهر أن هناك أعضاء مرتبه مشرف
ومشرفين بمرتبه عضو ,,
ما فهمت المقصود بالضبط ,,
لكن بأرد على حسب فهمـي ,, ما فيـه عضو فوق و عضو تحت و عضو مقرب و عضو
لا و الله ما عليك منه ,, صدقني في عين الإدارة الكـل سواسية ,,, ما فيه عضو يختلف عن عضو
العضو الي يحترم نفسه و مقدر المكان الي هو فيه و مقدر الناس الي معه أحطه على عيني وراسي
و ما عليه الا انه يطلب و انا أنفذ ,, لكن الي بيستهبـل ,, باستهبـل مـعه ,,,
على فكرة وللعلم فقط يمكن حنا المنتدى الرياضي الوحيـد الي تلقى طاقمه الإداري مختلف الميول ,,
فيه اهلاوي وفيه نصراوي ,, و إن شاء الله يجي مشرف اتحادي و جميع الأخوة و الأخوات مرحب فيهم بكافة الميول و أعتقد هذه النقطة لحالها تحسب لنا كإدارة محايدة ,,,



4- لماذا لايكون هناك تقيم للمنتدى او تقيم لكل قسم من قبل الاعضاء
فكرة تستحق المناقشة و بإذن الله راح أرفعها للمشرفين ,,,

5- تنسيق الاعضاء هل لها سياسه مختصه ومجريات تتخذ
انا رئيت اعضاء تم تنسيقهم بسبه موضوع بنظري مايستاهل التنسيق
وممكن أنا نظريتي غلط , , ,

بالنسبة للتنسيق ما فيه عضو ينسق الا و معه ملف الشخصي و الرد المخالف و نص القانون
الي خالفه ,, بعضهم يوم ,, و بعضهم يومين ,, وبعضهم لا و الله أكثر ,, التوقيف فقط على
مخالفة النظام ,,, و النظام وحده ,,



6- توجد أقلام بالمنتدى أنا أعتبرها نائمه ولم يتخذ لهم اي اجرء
والبعض سحبت منهم بدون سبب لماذا ,,,,
الرتـب يا عـزيـزي سحبـت من نـاس كثيـر بعد الإطلاع على ملفـاتهم لأنهم بالثلاث و بالأربع شهور
ما تواجدوا و خذوا الرتبة من هنا و هجوا من هنا ,,
من كل الأقسـام و نـاس فعلا ما سحبـت منهم لأنهم متواجدين ولا زالوا على
على مستواهم ,,



7 - لماذا لايكون موضوع بالمجلس كل شهرين تقيم المنتدى وطرح اسئله عليك
من قبل الاعضاء والاجابه عليها
بإذن الله


8- منتدى الشكاوي وتغير اليوزر وغيرهـ انا أقول لو يشال افضل لان البعض
لم تنفذ متطلباتهم من سنه على حسب ماسمعت وأكيد الكثير يؤيدني عليها
أعطيك بعض المتطلبات التي لم تنفذ ,,,
كم رقم ياسر .. ؟
كم رقم محمد بن فيصل ... ؟
الكاب الي لابسه ياسر وش ماركته ... ؟
أبي أغير أسمي و يا جماعة واحد بيغير اسمه لسادس مرة ,,, .؟
و الي ابي صورة و كل يومين جاي بصورة .. ؟
الأمور المهمة نتولاها اول بأول أما ذي لا والله ,,
الموقع أولى و الأعضاء و متابعتهم أهم ,, مركز الخدمات بس عشان تغير اسماء و صور رمزية
ياخذ معك ساعتين سلام سلام ,,, وش بقى وقت للموقع ,,,
يعني الي بيغير اسمه من اول مرة ,.. اول مرة يطلب صورة رمزية نسويها له على طول ,,
بس أكثر من مرة معليه فيه أولى و فيه من ينتظر ,,, ولاحظ 80 الف عضو ,, صعبة تنفذها كلها في
وقت واحد و الا في نفس اليوم


9- لماذا يوزر روبن هود مصدر تخويف للاعضاء هل لان روبن لايتعامل الا بالطرد والتنسيق
بالعكـس ماني مصـدر تخـويف و أكره إني أكون بهذي الصورة عند النـاس ,,, أنا صريح و صريح جدا خصوصا في الموقع ,, و شديد لسبب مهم أولا إن الموقع مهوب لي الموقع أمانةسلمت لي من شخص عزيز و غالي و أعتبره أخ أكبر بالنسبة لي ,, إنسان وثق فيني و سلمني اسمه فشيطبيعي إني أكون شديد و حريص
على الموقع أكثر من حرصي لو انه باسمي أنا ,,, و بالنسبة للطرد ,, ما طردت أحد بدون وجه حق ,,
و عندك الأعضاء تقدر تسألهم ,,, و لا نزلت بيان بدون وجه حـق أبين و أنبه بعاقبة كل أمـر ,,,
يمكن كنت مصدر تخويف بحكم اني مدير و انا المسؤول الأول بفرض النظام و هذا عملـي ,, افرض النظام
بس ما اهدد و حتى من انطردوا ما لحقتهم أي إهانة شخصية ببساطة تم الطرد ,, و انتهى الموضوع ,,,


وشكرا ً لك ياروبن ولي صاحب الموضوع لي أتاحه الفرصه
وتحسب لك ياعزيزي روبن