سقى الله يوم أنا.."طفله"..وأنام ولا أحد قدي
ولا أحاكي هموم اليوم ولا انطر أمل بكره
تداعب أمي شعراتي...وتمسح يدها خدي ...
ونومي هادي وساكن (( رعانا الرب في ستره ))
تلاعب يدي "الدميه" وعندي هالزمن وردي
همومي..(.."لعبتي .. ضاعت"..) وعندي هم وش كبره ..؟!
كبرت .. وزادت همومي وأحس إن الزمن ضدي
كبرت .. ونظرة الطفله ... تعيش بداخلي فطره..؟!
كبرت وعشت هالدنيا .. كبرت ولاهو بيدي ..!!!
كبرت..بشكلي..ورسمي..وقلبي باقي بصغره...!!
وصارالهم يلعب بي .. مثل دميات في يدي
وأسهر ليلي بطوله .. ويعلن رحلته فجره...!!
ياليت وليت أنا .."طفله"..وأنام ولا أحد قدي
ولا أحاكي هموم اليوم .. ولا أنطر ,,:أمل بكره"..