اقتباس: المشاركة الأصلية كتبت بواسطة المزن الهلالي ^ كلنا حسنا في الاشراف اول شي بس عاد صاحبك مافاد فيه شي الظاهر معاد يفيد علم مع الكبر ..! أي وربي حسنا أذكر أول ما استلمت الأشراف في أحد المواقع قبل اربع سنوات .. كنت جديد على النت مآره ما أعرف فيه شيء .. وصاحب الموقع ( إمام مسجدنا ) وكنت ادرس عنده بحلقة قرأن العصرية والموقع طبيعته العامه ( ديني على عام ) .. فسلمني الأشراف .. على طول وقال تعال حياك الله الموقع جديد ونبي ندهر فيه .. قلت أبشر .. افا عليك تأمر أمر فكنت اذا جيت اطرح موضوع او فكره اشوف لي اقرب موضوع وارد عليه واضيف موضوعي الجديد على شكل رد خخخخخخخ ما أعرف كيف طريقة طرح المواضيع .. بس أبشركم كان عدد الاعضاء وقتها ما يتجاوز الأربعين يعني بس شباب الحاره اللي يصلون معنا .. ما أنفضحت واااجد خخخخ خوينا قالي .. ( كيف الحال ) وش رايك تترك الأشراف لواحد ثاني .. ؟ <- - لا أحد يضحك علي زوبعة وش وجه الشبه بيني وبينك خويك ؟