~*~ 2008 وابتديت ياعام وتسارعت احداثك بالثوان فرحه شوفة الغايب .. وفقدان " اغلى احضان " .. .. ياعام ! عطيتني فرحه لقى الغالي من بعد طول انتظار ، وكان لي احتفال .. وما بين " ساعه زمن " خذيت الدفى والوفا .. خذيت من [ جدتي ] ! بعد ماجرعتني طعم الفرح والالم ! بين مرض وشفاء .. وقلق وخوف .. .. وبيوم وليله ، خذيتها مني يا عام ليتك ابطيت شوي ! وحققت امنيةً تمنتها لي .. ليتك .. ليتك ياعام .. وش حالي من دونها " وصورتها لي " في كل مكان ياعام باقي كثير ماعطيته اياها ، ووقته [ ماحان ] لاجل يصير .. .. ياعام ! عجز دمعي يوقف من لوعته و صدى صوتها للحين اسمعه ؟! وكلمه دايم ترددها ، [ الله لايحسرني من فرحك وشوفه ] ! وانا اقول .. فرح من دونك مستحيل ! كنت لها صوره في كل حالاتي ، واليوم هي صورتي وحزني في كل مكان ! كانت لي قوة في عز ضعفي ، وكانت حصني وتحصيني من الحساد كانت نظر لي و كل شي في حياتي .. وفي لحظه زمن ، " وقف نبضها " ! ومابقى سوا الحزن والآلم وطعم الفرقى !! .. يا رب ارحمها برحمتك واملي قبرها نور في ظل ليل موحش ، واغسلها بالماء والبرد والثلج ، ونقها من الخطايا ، واسكنها الفردوس الاعلى ، وانزلها منازل الصديقين والصالحين وجور نبيك محمد عليه الصلاة والسلام .. إنك على كل شي قدير .. " وإن لله وإن إاليه راجعون " ~*~