السلام عليكم
صباح الخير يالقناصيين
أول موضوع لي معكم ...وآخر موضوع >>>
يبي احد يقووله تكفى اقعد 
بالبداية
أبارك لكم بفوز القناص
داري اني متأخر ,, بس توني اكتب الموضوع
المهم
ندخل بالسالفة على طول
أمس اللي هو يوم الثلاثاء
كانت مباراة الشباب والاتحاد ... والكل كان ينتظر هالمباراة وبشغف >>>الا يبي يكتب (بشغف )
وقناتنا الرائعة المتميزة .. راحت تنقل لنا مباراة من الدوري الفرنسي واظنها اعادة بعد
وتركت هالقمة اللي الناس ينتظرونها وبشغف
وكنت من اول اهوجس اني ارووح للحلاق
من زماان عنه ومقاطعه ,,, لي فترة عايش بدونه
واللي رادني المباراة ,, ويوم شفتها مب منقوولة
قلت فرصة .. أروح اتفرج المباراة عنده واحلق مرة وحدة
المهم
رحت الحلاق .. وركبت مادري جلست عالكرسي
وقلت له لاتخلص حلاقة قبل ماتنتهي المباراة
وقاعد يحلق لي ونسوولف عن المباراة وانا كنت اشجع الشبااب
وهو كان يميل للاتحاد
الحلاق هذا مغربي..ومجنوون كووورة
سألته قائلاً له : انت تشجع الاتحاد ؟؟
فرد علي قائلا : أنا بيعجبني لعب الاتحاد والقحطاني !!!
قلت له ياسر القحطاني ؟؟!!!
قالي ايوه.... هذا لاعب مش بيتفوت , لوكان عنا بالمغرب كان عالطول تحصله بأفضل نادي
بالدوري الفرنسي !!!
استغربت ..شفيه مندفع و متحمس زي كذا
فزيت من مكاني وابيه يسولف أكثر عن ياسر
وقلت له غريبة تشجع الاتحاد وتحب ياسر !!!
قالي هذا لاعب بيجبرك تتفرج عليه , حرام يظل عندكم بالدوري !!!
وسألني عن عمر ياسر , قلت له 25
قالي حرام والله حرام ممكن السنة الجاية لما بيوصل عمر 26 , 27
مابيفكروا فيه الاوربيين
قال هالكلام بالنص
وانا من امس وللحين راسي يلف ويدوور
وكل مالي اتأكد ان ياسر مظلوم ان قعد زيادة بالدوري السعودي 
ويوم شفت مقطع وهو يدقدق بالكورة بسيدني
ادركت وبشغف ان هاللاعب من جد مكانه اوروبا ومع أفضل اللاعبين
كنت احسب بس حنا السعوديين معجبين بياسر
بس طلع حب واعجاب الناس بياسر.....ماله حدود
الله يوفقك ياياسر
وان شاء الله اننا نشووفك بأفضل اندية العالم