/
*
بالنسبه لعيدنا ضروري الوحده منا تشتري كذا لبس للعيد ما لا يقل عن 3 بالإضافه للجلابيات (حشى مرت ولد) و لازم عبايه وجزم وشنط وإكسسوارات وجلال مو حق الصلاة لا الي يجي صغير هذا سلمكم الله لزوم البيات لأننا نروح لديرتنا بس منيب قايله وش هي عشان ما تعرفوني,, خخخخخخخخخ
ونسكن عند عائله (على بالها مسافره برا) وعشان نأخذ راحتنا وحنا نمر عند عيال هالعائله نلبس الجلال عشان نتغطى
المهم ما لكم بالطويله وترى هالعائله ما شاء الله ينام عندهم حوالي 80 إلى100 شخص من حريم ورجال وبزران
بس ما شاء الله عليهم يا حلمهم علينا
المهم أنا العام الماضي تأخرت ما شريت للعيد وبعدها كلت هواء.. والسنه هذه من الصيفيه وأنا كلما شفت شيء أعجبني خميته عشان ما أتورط داريه إن الي بينزل برمضان بيصير خلاقين..
والحمد لله شريت وخلصت طبعاَ الساعه جتني هديه من ماما في حفلة تخرجي وخليتها للعيد أكشخ بها حتى خواتي ما وريتهم عشان ما يصكونها بعين وتنكسر(معجبتها بقوه) والعطر برضوه هديه من أغلى وأعز صديقه لي و خليته للعيد ..
بس الحمد لله بالرغم من أنه كذا لبس للعيد إلا اني الحمد لله خلصت بس ما بقى إلا أروح للحلاق قصدي الكوافير وأقص شعري وإذا قصيت صورته لكم (أمزح ما بقى إلا هي)
وأغلب الي شريته بناطيل وأركب عليها لأني بصراحه ما أحب أشتري شيء كذا كامل وألبسه مثل ما هو خبركم كل أقاربي بالرياض وكلهم مثل حالتنا كذا لبس ودائما ما نلقى ثنتين نفس اللبس أو نفس الخامه.. والله وهقه..
وسلامتكم إن شاء الله بصور وبرجع أضيفهم تتفرجون والي يعجبها تراسلني على الخاص وأعطيها اياه.. من عيوني..(أحلى يا كريمه)..
*
/