. بـاك بعد غيبه عن شاشة المجلس .. <- والله ما احد درى عنك .. المهم ما علينا انا اليوم بتكلم لكم عن مسلسل اجرامي وقسم .. شي غريب يعني قسم بالله ضحك من يبدأ لين يخلص .. وانا مستغرب صراحه ما احد تكلم عنه .. انا متابعه من الحلقه الاولى لين الحين وما فاتتي ولا حلقه الحمد الله .. الا حلقة امس كنت اناظر مباراة الهلال .. المسلسل اسمه ( هذا ولدنا ) .. يعرض على الراي الساعه 11 بالليل ( ازين شي ان ما فيه شي غيره بهالوقت ) .. المسلسل من بطولة المجنون طارق العلي .. ومن بطولة الاجنن والاجنن محمد الصيرفي .. ( هالاثنين ذولا شي خيالي بالمسلسل ) بالاضافه الى جمال الردهان وهيا الشعيبي وهند البلوشي .. والعجوز الاماراتيه ذيك الزاحفه والله ما ادري وش اسمها بس تضحك .. ( قصة المسلسل ) عائله تتكون من الاحوان طارق العلي وجمال الردهان ووهيا الشعيبي وامهم العجوز الاماراتيه .. بالاضافه الى هند البلوشي زوجة طارق العلي وذيك الطويله ما ادري وش اسمه اللي جت بصادوه 3 على ما اظن وطلعت مصريه .. هذي زوجة جمال الردهان كلهم ساكنين بيت واحد الا هيا الشعيبي ساكنه مع زوجها السبيكه جمول .. ومحمد الصيرفي يصير صديق طارق العلي الروح بالروح ( والله من الهستره ) .. العائله هذي مات ابوهم في اول حلقه وصاحوا عليه صياح لين قالوا بس .. ويوم راحوا المحكمه عشان يشوفون وش عندهم من ورث ومن هالخرابيط .. قالهم القاضي ان ابوكم متزوج تايلنديه وعنده ولد منها ولازم تجيبونه عشان يحضر تقسيم الورث .. طبعا انهبلوا كلهم واحقدوا على ابوهم .. وقرروا ان واحد منهم يسافر ويجيب اخوهم التايلندي .. وقال طارق العلي انا اللي بسافر وطبعا راح معه خويه ابو خليف ( الصيرفي ) .. عاد شوفوا الهستره هناك بتايلند .. والله ان الصيرفي منتهي ورايح فيها .. المهم ما نطول عليكم لقوا اخوهم التايلندي وارجعوا للكويت .. وجمال الردهان يبي يخطب اخت زوجته للتايلندي اخوه عشان يظمن نصيبه .. وهيا الشعيبي الدبا تبي تخطبه لأخت رجله المهبوله عشان هي بعد تظمن نصيبه .. هذا تقريبا اهم اللي صار في الحلقات اللي راحت .. نصيحه للي يبي يضحك يشوفه .. بحاول اجيب لكم صور من المسلسل ان شاء الله اذا قدرت .. يالله برب .. .