*
*
[ لقاءات خفيفة مع قناصات في الخارج ]
قناصات غاليات ..
في بلدان بعيده مغتربات وصائمات ..
حبينا نشارهم مشاعرهم ..
ويشاركونا في فقره خاصه بهم ..
المجال مفتوح لكم للتعليق على هالمقابلات ..
/
قناصتنا الغالية ..
العضوه الحاضره الغائبة ..
أول شئ باليت تعرفين بنفسك ..
اليوزر: سكره مالحه
العمر: 22
محل الاقامه : كندا
عدد السنوات في الخارج : تقريبا 7 سنين
عدد السنوات المتبقية : إن شا الله مو كثير 
مجال الدراسة : Nursing 
أول سؤال عندك رطب ..
..؟
ههههههههههههههههه
لا ما عندي ياريت طرشيلي شوي
كيف الاجواء الرمضانية عندكم ..
.. ؟
كويسه ,,, طبعا كل شي بيكون مختلف,,,مثلا في اكلات مانسويها الا في رمضان,,,
وتجمع العائله على السفره وقت الفطور 
,,,
وطبعا ممارسه الشعائر الدينيه ; صلاه التروايح قراءه القران وحضور الدروس الدينه 
هذا أول رمضان تصومينه وأنت في الخارج ولا خبره .. ..
لا خبره
متى يأذن عندكم الفجر ؟
5:27
والمغرب؟
7:09
جدولك اليومي في رمضان ..
اصحى الفجر للسحور اصلي الفجر أقراء القران,,,وبعدهــا اخذ قيلوله ومن ثم اصحى لاذهب للجامعه
وبعد ما ارجع اصلي العصر واروح بيت بابا ,,,اساعد ماما في المطبخ شووي ,,,
اتابع باب الحاره وكم مسلسل ,,, لين يقرب الفطور,,,,
هل يختلف عن الأيام العادية ..؟
اكيييييييييييييد يختلف ,,,, شهر رمضان غير عن باقي الاشهر
تكثر فيه العبادات والواحد يحس انه قريب من ربه اكثر 
وين تفطرين؟
عند بيت بابا
و ايش فطورك غالبا ؟
الله يخليلنـا مــامــا ,,,, غالبا مايكون الرز هو سيد المائده يعني كبسه دجاج ,
روبيان ,سمك طبعا مع الشوربه والسلطات واللقيمات والتمر والفطاير واللبن 
القهوة العربيةهل هي ضرورية بالنسبة لك ؟
ولا يكفيك الكوفي بانواعه ..
الا القهوه العربيه مالي استغنى عنهـا 
عندكم فيمتو؟
ولا العرب خلصوووووووووه
ههههههههههه لا خلصوووه ماشوف في فيمتو في السوق
ايش الطبق اللي تتمنينه وما تقدرين تلقينه .. 
دام امي موجوده كل شي اتمناه القاه << تصلح شعار
العيد قرب والسفر حان طاريه <-اوت ..
هل تشعرين بطعمه وانت في الغربه ؟
اكييد موب مثل عندنا في السعوديه
بس الحمدالله نعيد وماشي حالنا
قد عيدتي قبل كذا بعيد عن اهلك ؟
<- ناوية تصحيك
نعم 
,,,الله يجمع شملنا
شريتي لبس للعيد ..
لا والله بعد بس اشتري اول وحده بوريها انتي ياحبي لك
أخيرا ..
نبي منك بيتين شعر ولمين تهديهم ....؟
صراحه ما خطر في بالي شئ هاللحظه
الله يرجعك بالسلامة لوطن الخير ....
ولأهلك وحبايبك ....
امين يارب ,,,والعفووو يالغاليه وكل عام وانتم بخير
ينعاد عليكم بالصحه والعافيه يــارب
/
قناصتنا الثانية ..
العضوه الرائعه بكل معانيها ..
أول شئ باليت تعرفين بنفسك ..
اليوزر: هلالية بكل المعاني
العمر: اليوم صرت 21 سنة
محل الاقامه : شيكاغو
عدد السنوات في الخارج : سنة
عدد السنوات المتبقية : 4سنوات وربك يعين
مجال الدراسة : كمبيوتر
أول سؤال عندك رطب .. ..؟
ايه الحمد لله جبت معي من الرياض لما نزلت بالصيف ..
وابشركـ جبت معي شرايح سمبوسه بعد
كيف الاجواءالرمضانية عنكم .... ؟
ابد تحوم الكبد وتجيب الغلقه والصياح
ما احس باي نوع من اجواء رمضان غير الصيام هذا أول رمضان تصومينه وأنت في الخارج ولا خبره .. ..
أيه هذي اول مره .. بس شكلها موب الاخيره ..يلزم تنعود
متى يأذن عندكم الفجر ؟
يأذن 5:16 وكلـ يوم تزيد دقيقه
والمغرب؟
يأذن 6:55 وكلـ يوم تنقص دقيقه
جدولك اليومي في رمضان ..
ابد ارجع من الدوام ع الماسنجر تعرفين اختلاف الوقت يخليني اقعد
بدري ع النت عشان اشوف اهلي بالكام واسولف واتطمن بعد ..
وقبل الاذان بساعه اقلي السمبوسه واسوي لقيمات وفيمتو والحمد لله
وبعد الاذان افطر واصلي المغرب وامسك المصحف واقراء كم سوره وادعي ربي يصبرني ..
وبعدها انقز ع النت واحمل حلقات مسلسل طاش وباب الحاره ونمر بن عدوان واشوفهم
بعدين أشيك ع الواجبات واخلصهم ..
ارجع بعدها ع المطبخ اشيك اذا السمبوسه خالصه والا لا بعدين ارجع للنت مره ثانيه
واشيك شوي وبعدها اطلع انام واحط المنبه على 4 اقوم اصلح لي شي خفيف اتسحر وانام
هل يختلف عن الأيام العادية ..؟
أيه يختلف أكيد بكل شي خصوصا النفسيه .. بالعادهـ تختلف للافضل .
بس هالسنه لا من دخل رمضان وانا ياتعبانه يانفسيتي شينه
وين تفطرين ؟
ابد بالشقه .. او أجتمع مع البنات ونفطر سوا
أو نطلع مطعم
و ايش فطورك غالبا ؟
غالبا سمبوسه ولقيمات وفيمتو
القهوة العربيةهل هي ضرورية بالنسبة لك ؟
ولا يكفيك الكوفي بانواعه ..
لا مو ضروريه يعني ما اشربها الا اذا عندي احد ومع شوكولا ..
عندكم فيمتو؟
ولا العرب خلصوووووووووه
أيه انا من ضمن اللي حيخلصووووووووووهـ
ايه عندنا الحمد لله لو ماعندهم كان رجعت
ايش الطبق اللي تتمنينه وما تقدرين تلقينه ..
أطباق مو طبق واحد بس خليها على ربكـ ..
لو سمعت ان اهلي مصلحين فول اشتهيت فولهم
كل شي اشتهيه من يد امي بالغربه ويصير لذيذ بعد
العيد قرب والسفر حان طاريه <- اوت ..
هل تشعرين بطعمه وانت في الغربه ؟
][لحظه صمت مختلطه بدموع ][
لا ماعندي عيد .. وشلون أشعر بطعمه وماعندي احد
قد عيدتي قبل كذا بعيد عن اهلك ؟
أيه السنه اللي فاتت بس عيد الاضحى مو الفطر
<- ناوية تصحيك
حرام عليكـ ترا دموعي جاهزهـ عند الباب
شريت لبس للعيد ..
ليش اشتري .. البسهم لي مثلا
أخيرا ..
نبي منك بيتين شعر ولمين تهدينهم ....؟
انا والله مالي بالشعر ما اقراء واجد
بس دورت شي يحكي اللي بنفسي ..
كلـ يوم أشوفكـ بحلمي وأنت ماتدري ..
ما شفتني لا فقدتكـ رحت لفراشي
أهديها لأمي ..
جد فقدتها واذا حسيت بشوقي لها ضميت مخدتي ودمعت
عيوني لين انام ..
,
لولا الحيا لصرخ لكـ بعالي الصوت
وأقول لخلق الله ذبحني غيابك
وفي غيابك صارت دنيتي تابوت
وأدور بين البشر جايز الاقي خيالك
أهديها لبنات عزيزين علي بقوه وفقدتهم بشكل..
متوقعه من قبل اني بفقدهم بس مو لهدرجه
اللي هم خواتي وبنات عمي ( )
الله يرجعك بالسلامة لوطن الخير ....
ولأهلك وحبايبك ....
أمين يارب العالمين .. والله لا يذوقكـ مر الغربه
تحياتي لكـ
