* * سوينا استفتاء وسألنا بعض الاعضاء عن طريق الرسائل الخاصة * * وكان السؤال رمضان..شهرالطاعه والغفران..صف لنآ جو رمضان وش تسوونوش ماتسوون تحطون فيمتوعلى الفطوروالسمبـوسه متى تحطونها يعني عبر لنا وشورمضان بالنسبه لكـ..؟ وهاذي هي اجوبة الاعضاء شاكرين لهم تعاونهم.. زيآد ياهـلا فيكم وأشكر لكم الاستضافه بالنسبه لرمضان, جونا غير .. مع فيمتو ( ح يخلصووه ) ومع السمبوسه واللقيمات والاشياء الحلوه هاذي وخصوصاً تجمع العائله على الطاولةونقعد نضحك واحنا ناكل من الاكل الزين شيء رائع , رمضان غير بالنسبه للفيمتو , فا انا ماقدر افطر بدونه وايضاً السمبوسه واللقيمات هاذي لازم تكون موجوده يعطيكم العافية توته 11 هلا بكم والله الله يسلمكم نظامنا غريب شوي بالنسبه لخوالي وعماني وقرايبنا يعني اول شي سحورخفيف (تمر+لبن) او ساندوتش جبن<=هذا سحوري عكس العاده يعني ما اذكر اننا طبخنا طبخ صدقي للسحور اما اذا رحنا لخوالي كبسه وحركتات بس الصراحه الاكل الدسم يعطش يعني مقتنعه بسحورنا.. اما الفطور اذا اذن يكون عالسفره تمرومويه وقهوه واي شي خفيف لقيمات ونحوها والله اني اقنع امي ابيها لو مره تحط كل شي زي خوالي<=صجيتينا بخوالكp10 وبعدين بعدالمغرب العشا الطبيعي ويحتوي شوربه(كل كم يوم نغير بالنوع مره شوربة طبيعيه ومره شوربة ذره وهكذا..)يعني الشوربه والسنبوسه هي الثابته والباقي يتغير على حسب مزاج الوالده وبعدالتراويح نجلس جلسةسمر وقبل ماينام الوالد نجيب فواكه واذا غيرنا سوينا سلطة فواكه بالعربي اسرتنا صحيه ايه نسيت اقوللكم مافيه قلي الا اللقيمات السمبوسه بالفرن بس تصدقون الخف رحمه عالاقل مايزيد وزني وبس YASSER20 وعليكم السلام ورحمة الله وبركاته الشهر عليك مبارك وتقبل الله منا ومنكم أشكركم على إختياري وهذا شرف بالنسبة لي رمضان كلنا نعرف انه شهر الروحانية وشهر القرب الى الله أكثر شهرالطاعات والعبادات ومزايا رمضان الفضيلة لا تعد ولا تحصى ولو بتكلم عنها بيطول المجال ولكن راح أتكلم عن ميزة مهمة وهي صلة الرحم برمضان وبالعامي " الجمعةواللمّة " نشاهد هالشي برمضان بصورة واضحة بشكل كبير في سفرة الإفطار وفي الزيارات العائلية اللي زي ماذكرت تكثر برمضان حيث بباقي الأشهر قليل نشاهد كل الأسرة مجتمعين على السفرة مع بعض لأسباب مختلفة. أعتقد مافيه شي أحسن من الفطور مع العائلة وشوفة طاش معهم والتراويح مع الوالد والأخوان جو جدا رائع بصراحة وصعب يصير في أي شهر ثاني نجي للإفطار زي ماطلبتوا : ) سفرة الإفطار بالغالب تكون جاهزه قبل الفطور بربع أو نص ساعه تكون بالغالب قهوة وتمر وسبموسة وخفائف بسيطة بعدها نروح نصلي بعد الصلاة يجي الجزء الثاني من الفطور وهو غالبا الأشياء الدسمة " الفطور صح " مع الفيمتو اللي ح يخلصوووه بعدكذا عاد يكون وقت التلفزيون لحد صلاة العشاء عاد بعد صلاة العشاء والتراويح أناأطلع مدري وش يسوون اتمنى أكون فاهم السؤال صح وجاوبتكم على طلبكم عساكم على القوة وووفقكم ربي محاسبة هلالية الجو العام برمضان غير عن كل شهور السنة .. السكينة ..الطمأنينة وقبل هذا الراحه النفسية اللي نحس فيها .. الكل في رمضان يحس بلذه ويجي آخر يوم فيه وأحنا لسى ما شبعنا منه .. الله يجعلنا مماذاق حلاوة الايمان وأن يجنبنا الفسوق والعصيان .. بالنسبة للفيمتو <-اجسه خاش عرض .. هالسنةتراه قاهرني وقاهر ابوي اكثر .. يعني بالله هذي دعايات يحطونها اشين خلق الله جايبينهم .. وحيخلصوووووووووووه وتمسح خشتها قسم بالله ما عاد اشتهيته بعدها .. الفيمتو نحطهمع الفطور اصلا كلش نحطه مره وحده .. ولازم اخواني يتهاوشون عليه .. اول كنت انا المسؤوله عنه بس هالسنة ترقيت وصرت اعجن واسوي اشيااات غيره .. وصارت اختي الصغيره المسؤوله عنه .. السمبوسه اسمها سمبوسه بابا .. لازم تنحط عالسفره لو ما نسوي غيرها ما يقول شئ دامها فيه .. فيصل هلا والله شوفوا رمضان اكوس شهر بالعالم شهرفيه كل شئ يوسع الصدر شهر مغفره وأجروتقرب الى الله اكثر شهر فيهالاكل يزود .. وفيه المساجد تمتلي من الشباب وتسر الخاطر شهر مايحلى الفيمتو واللقيمات الا فيه <-- ورى جملك مهيب مرتبه تدرون ليه ؟ هالشهر كل شئ فيه يتلخبط نظام نومك واكلك وحتى اسمك < مااقول الا الله يتقبل صيامنا وقيامنا عنود الغيد رمضان بالنسبه لي شهر الفلّه تشوف العالم كلهم .. و جمعات و طلعات .. وتحس انك سبحان الله مأجور على كل شي تسويه و تحتسب الاجر فيه .. ومجاله واسع جداً للي يبي الاجر .. و بالتأكيد طابع الروحانيه اللي يظهر في شهر رمضان .. طابع مريح .. ممتع .. بالنسبه للاكل و الفطور والسمبوسه خخخخ شي اكيد .. شوربه و سمبوسه و ليمون ... امم و فيمتو و خبز و جبنيه و فطاير و عصير برتقال و تمرو قشطه و حافظه الفول خخخخ الحمدلله نعم كثيره .. انعم علينا ربي .. و غيرنا مو لاقين ما يسد جوعهم .. فـ حري بنا في هالشهر .. و دوماً الشكر و عدم جحود نعم الله سبحانه لكم كل الشكر للاتاحه لي بمشاركتكم في موضوعكم بالتوفيق لكم و لباقي المجموعات * * نشكر تميم على موافقتك للدعوة.. ونشكر بنت الأجاويد على تنسيقها للصور..