هلا اختـــــي وسن والله حلو هالموضوع....
<===== اتذكر يوم كنت صغيرة(سالفتي مع اللون الاحمر)
قبل ما ادخل للمدرسة طبعا .. كنت اغار من اخواتي غيييييرة شديدة .. ليه هم يتعلمون وانا لا. وخاصة يوم يجون من المدرسة اذاكر معهم .. واحفظ دروسهم بعد.. خخخخخخخخخ(أنا طموحاتي لها اهداف وابعاد.. لكن زماني حطني شخص عادي)
المهم .. سجلوني اهلي بالتمهيدي وكنت مبسوووووطة.. اخذت راحتي بالعربي لعب ووناسة واصحابي وصحباتي .. ماعلي..


الوووووويل يوم سجلت ابتدائي .. وبمدرسة حكومية .. طبعا امي متعودة على الاهلي مايمنعون البنات من شي وخاصة اول يوم..
سئلتني الوالدة ربي يحفظها .. ياعيوني وش تبين تلبسين اول يوم.. قلت ابي فستان احممممممر وجزمة(الله يكرمكم) حمرة وابي شنطتي حمرة والشباصة حمرة وكله احمر بأحمر..

.. رحت المدرسة.. وانا اودع امي نزلت دمعتين على الوجنتين.. وطبعا ماشاء الله من الااحمر الي لابسته اعطي طاقة ويطلع مني اضاءة .. المهم ..دخلت للفصل وماعلي وقعدت اتعرف على البنات الي معي.. كرهوني عيشتي الي تصيح والي سوتها على نفسها ..( الله يكرمكم) .. طبعا انا بخبرة اني داخلة مدرسة من قبل كنت اقوى وحدة فيهم..
المهم..يوم نزلنا للفسحة.. بعد التعارف في الفصل.. كانت المديرة تتجول بالساحة.. شافتني المديرة من بعيـــــــد.. ماشاء الله عيني عليها باردة..
قالت ام احمر.. تعالي هنا اشوووف.. وش ذا الي لابسته .. وين تحسبين نفسك رايحة .. زواج..
وين امك ياشاطرة .. ليه اهلك مافصلوا لك مريووووول.. وبصوت عالي قالت لي اجلسي بالساحة مالك دخول للفصل..الا وانتي منتظمة في البس مثلك مثل غيرك..
طبعا نفسيتي اتحطمت .. اول يوم كان نكد.. وحدة بنت كانت معي اغمى عليها يوم امها راحت عنها .. وجاني خفقان بالقلب غير طبيعي..مع حكة بالشعر .. واكتشفت امي اني شعري فيه قمل بس من اول يوم حضرت فيه اجل ثاني يوم وش بيصير...؟؟ هههههههااااي ..المدرسة كلها بدو .. والبنات كل شعورهم تلمع (من الزيت طبعا). طبعا غيرت المدرسة وسجلت بغيرها.. لكن من هذ1ك اليوم للحين وانا اعشششششق اللون الاحمر ودرجاته..


وو



ووبــــــس....

آسفــــــة على الإطالـــــة..