[[السلام عليكم ورحمه الله وبركاته ]]
..الماضي جبرنا على القسوة ..
اليوم سويت شي قسم بالله انه في قلبي للحين حسيت قد ايش أنا قاسيه
يالله شي يخلي الواحد يعيش بحيرة خاصة لم يكون الشيء مو من طبعك
قبل اللي صار اليوم
كنت طالعه للسوق أنا وخواتي وبنات خالتي قالت أختي الصغيرة عمرها 8 سنوات
اشتري لي هذي وأشرت على (تاتوهـ)أنا على طول قلت لا بدون ما تشاورني قلت
اختاري أي شي من المحل وأشتريه لك إلا هذا منيب شاريته لك ناظرتني
نظره بس ماعبرتها وجابت شي ثاني وشريته
موقف اليوم إنها راحت وشرت هي بنفسها
(الـتاتوه ) وكانت تورية وأبوي ماقال شي
أنا استغربت وعصبت ..
(اللي ماتعرفونه إني كنت شاريته يوم كنت في المتوسط أول ماطلعت موضته أبوي شافهم معي وخذهم وشققهم
وقال هذي مو زينه هو شكله خذها من باب الوشم وأنا كنت ساكتة ومقدر أسوي شي بزر ولا تقدر تحاكي)
مدري ليش جا في بالي هاشي واللي خلاني أنقهر وقلت لبوي ترى يوم كنت بزر وشريت هالاشياء
شققتها لي سكت أبوي ولف على أختي وكأنه يقولها مالي شغل تفاهمي معها
خذتها وبشققها والبنت بتصيح وأنا ماهمتني,, قالت أعطيك نصهم قلت مابيهم أعطيك
اللي تبين قلت لا وشقيت وحده وقعدت تصيح حسيت إني قاسيه
بس فكره إن أبوي سوا معي شي ماسوا معها سيطرت في بالي شفت الدموع بعيونها وتوسلاتها
لي ولا رحمتها في الأخير
قلت بخلي الباقي بس بشرط ماتحطينها على جسمك حطيها على دفتر على أي شي إلا جسمك
وخذتهم وراحت وأبوي ساكت ماقال شي
وطلعت ,,
وأنا أدري إني ظلمتها
طلعت ,,
وأنا أحس بقهر جواتي
طلعت ,,
وأنا كرهت نفسي على اللي سويته
قولوا لي انتم وش رايكم ..؟
يعني أنتم ماضيكم يأثر عليكم بشكل اللي صار لي ..؟
أنا نفسي تفاجأت باللي صار واستصغرت نفسي
\\
... عاطفة دمرتها ..
البنت بطبعها حساسة مهما كان شكلها يدل على القوه والتحمل هذا فقط شكل خارجي
أما الداخلي فهو ينهز بأبسط الأشياء وخاصة (القـلب) هو سبب ضعفها في هالدنيا
البنت إذا حبت حبت من قلب وخاصة حبها الأول الحب الأول هو يطلع فيه كل شي
خاصة لما يكون من الطرفين بمجرد ما ينتهي هذا الحب خاصة
بوجود خيانة أو كذب أو أسباب مالها تفسير ,, يبدأ يخمد اللي جوا البنت
أول شي بتعاني من أول حب مستحيل ينسي حتى لا حاولت تنسى بتمر ذكراهـ عندها
مستحيل تكرهـ حتى لو انتهى اللي بينهم بخيانة
قلب البنت هو سبب ضعفها وهو أقوى مشكلة تواجها في حياتي ..
عشان كذا البنت سهل تحب بسرعة من اهتمام بسيط ,, أو من كلمة عابره
أو حتى من نظره ...
مممممممممممم
في شي بعد , البنت بسهوله تسامح ,
بس ما تنسى أبداَ خاصة شي هز مشاعرها وهز كلها ..
أنا هنا ما قاعدة أدافع عن البنت , أنا أتكلم عن أشياء جوات البنت
مهما صارت ومهما فعلت فهذي هي البنت الحقيقة ..
نعومه.. أنوثة .. حنان .. دفا .. عاطفة
وحب قوووي ..!!
مشكله البنت قلبها لو بس يهدا تعيش بخير .. ! 
.. الوداع ..
هالحين أنت بعيد صدقني هذا الجديد
الهم والضيقة وحزني زاروني وأنت بعيد
هالحين أنت بعيد صدقني هذا الجيد
الهم والضيقة وحزني زاروني وأنت بعيد
نسيت إني أعشقك ولا تنسى إني بفقدك
نسيت إني أعشقك ولا تنسى إني بفقدك
لحظه وداعك ياهي صعبه بالحيل صعبه
الحكمي يا أغنيتك تجي على الجرح ,
شي هالاغنيه شي غير طبعي قسم إذا جا الجزء هذا بالذات
إذا ماخنقتك العبرة لا تصدقوني بأي شي ,
خاصة اللي فقدوا ناس يحبونهم,
الوداع
أخر حروف تنكتب ,
الوداع
غير قلوب البشر,
الوداع
يااااهي كلمه صعبه ,
ما يعرفها إلا اللي جربها أكيد مريوتو بتجارب وداع
بس تختلف من شخص لشخص
ممكن وداع للأبد ..
ممكن وداع بعد ..
ممكن وداع غصب عن الكــــل,
يختلف الزمان ويختلف المكان وتختلف الأسباب
بس ماتختلف لحظه الوداع أقسى وقت يمر الأنسان
أقسى فتره يحسها الشخص , وأشد لحظه ينهد فيها
حيل الموادع ..!!
مساحه لك/ ـي عن الوداع ..!!
.. سهر ونوم نوم وسهر..
بما اننا في العطله الصيفيه
اكيد النوم كيف الحال .. الاكل كيف الحال
طلعات ودخلات .. جمعات وهيصات
زواجات وحفلات .. والاهم دوجان في النت
لو نفكر شوي ما نلقى اننا استفدنا شي
ايه صح نسيت !!
متى ننام مافي وقت سهر ومواصل لين الصبح الظهر !
نوم غريب عجيب , واذا صحينا اكل من المطعم
ايه استفدنا شي واحد الام والابوا دايم الضغط عندهم
اتش , دايم هواش بس مافي احد يسمع
وش استفدنا من العطله ولا شي !!
س/ سويت/ي شي يدل على الاستفاده من العطله ؟
.. انتي بنت هو ولد لا تقارنين ..
شي معروف عندنا ان الولد غير البنت وكل شي
له فروق ولا تحاولين تقارنين لانك بتخسرين ..
سهر على كيفه محد يقوله شي .. طلعه بدون
أي ردع .. يسوي اللي يبي بدون شي اسمه لا تسوي
بس نقول ودنا للمكان الفلاني يشب ..
بس يقول صديقه تخاوينا شرقيه قدام بدون مايشاور احد
جمع له خلقتين وسافر طيب وانا انا بنت مالي حق مثله
مانبي مساواه مره بس نبي حقوق أي شي يصير في البيت
انتي المسئوله قهر قسم بالله < - - ما تدري وش تقول
مساحه للفضفضه
شي خفيف يارب يعجبكم
... /