بسم اللهـ اول شي مبروووووك الفووز .. مع انها كانت مباراة ترفع الضغط و تجيب كل الامراض الي تخطر على البال بس ما اقول الا الله يسعدكـ يا ولد الحارثي ,, : ) .. اثبت للي ما يبغونك انك بطل و تستاهل انك تكون اساسي .. : ) .. يعني المباراة الي فاتت دخل باخر 10 دقايق ،، لعب 5 دقايق و جاب فرصه حلوه ،، بعدها انقطعت الكهربا حول الـ 20 دقيقه ،، يعني صعب انه يدخل بجو المباراة بسرعه ،، لكن مع ذلك كان بيجيب هدف عاالمي !! و مع ذلك المدرب "انجوس" ما دخله اساسي بهـ المباراة ،، و الكل كان يطالب بدخوله من بداية الشوط الثاني بما اننا متعادلين ! بس وين اذنك يا جحا .. من يسمع لك .. و ما دخله الا الـدقيقهـ 88 .. يعني يا سعد عندك دقيقتين تضيع فيها عشان ينمسح فيك البلاط مثل كل مره بس عجبني ولد الحارثي ،، سكتهم و جاب الهدف و كان هدف خيالي ! :: هذا من ناحية المدرب :: اما من ناحية المباراة :: مباراة سيئه من كل النواحي ،، لعب كان اقل من متواضع ،، مع ان المنتخب السعودي ماديا و كـ جهاز فني و لاعبين افضل من المنتخب الاندنوسي بكثير !! ما شفنا لعب سعودي ! يعني لو ان المنتخب الاندنوسي كان فايز كان فاز عن جداره و استحقاق بس سعد الحارثي كان له كلمته و طلع بطل و غير المباراة كلها .. : ) .. و يا ليت "انجوس" يدخله بدري المره الجايه .. : ) ,, :: هذي وجهة نظري و لكل واحد منه رايه و اتمنى اني اشوف اراكم .. : ) ..