(( بسم الله الرحمن الرحيم ))
في البداية أحب أهني الجميع على المستوى في المباراة
السابقة مع كوريا .. والله من زمان ماحسيت ان المنتخب
يلعب من جد 
أكيد بيرد البعض ان المستوى كان موب قد
الطموح .. لكن انظر قارن المستوى بمنتخب جديد جدا جدا
منتخب شاب استغرق اعداده اقل من شهرين ,, والله اني
انبسطت بالمستوى .. ماكان فيه الا مشكلة وحدة في الوسط
وتم تلافيها بتغيير واحد ..
نجي للموضوع اللي أبي أكتبه .. إلى ياسر مع التحية ,,
فعلا أثبت لي في مباراتك السابقة انك كابتن المنتخب السعودي
فهمت معنى الكابتنية واديتها حق ادائها .. الكابتن ليس تشريف
الكابتن مسؤولية والتزام الكابتن هو القائد الذي يقود المباراة
كلامي هذا ليس من ناحية المستوى اللي والله اني عتبت عليك فيه
,, بل من ناحية ادارة اللاعبين واسمحلي يا كابتن ياسر أن أناديك
((أبو سعيد)) ..
أبو سعيد عندما تشاهد المباراة تجد انه تحول من المهاجم الأول
إلى الوسط ليرفع الثقة في لاعبين الوسط وخصوصا بعد المستوى
الهزيل من اللاعب عبدالرحمن القحطاني .. تجد ان ياسر يوجه وينبه
اللاعبين باستمرار .. فعلا كنت القائد للمنتخب .. وكنت أتمنى أن
تتوج هذا الابداع بابداعك المعهود في الملعب وان تفرحنا بالفوز
أبو سعيد أطلب منك كـ كابتن وقائد للمنتخب السعودي طلب وأتمنى
أن يوصله أحد من اللي يقدرون يوصلون للكابتن ياسر ..
كابتن ياسر .. أتمنى منك أن ترفع الروح المعنوية في هذين اللاعبين
عبدالرحمن القحطاني و سعد الحارثي .. فالأول بعد المستوى المرتبك
والهزيل اللي قدمه اليوم لابد له من شخص يوجهه وينبهه لأخطائه ويرفع
مستوى الثقة في نفسه حتى نشاهد عبدالرحمن ((ولد عمك)) بمستواه
المعهود حتى نرى المنتخب بأبهى حلة ومعه الكاس عائدا الى الرياض
الحبيبة ..
أما سعد وما أدراك مابـ سعد الآن .. فبعد الفرصة التي ضيعها وحزنا
عليها جميعا .. بدأت أشك ان ثقته في نفسه بدأت تتزعزع .. أخاف ألا
يعود سعد في المباراة القادمة مثل مارأينا سعد في المباراة الأخيرة
المهاجم الجريء صاحب الخطوة الذكية .. كن القائد يا كابتن ياسر
وأنقذ الموقف .. خصوصا وإني رايتك تعرج وانت خارج من المباراة
وكم هي من اصابة تحزننا لفقدك قبل ان تحزنك لعدم تمثيل وطننا
الغالي .. ومن سيضع أنجوس بديلا لك لا سمح الله غير سعد .. أتمنى
منك اتخاذ موقف القائد اللي أتحفتنا في مباراتك السابقة ..
أبو سعيد .. أنت صاحب الخبرة في المنتخب وأنت القائد وهذي مسؤوليتك
وانت قدها مثل من سبقك (الكابتن حسين عبدالغني ,وقبله الكابتن سامي
, والكابتن صالح النعيمة , والكابتن ماجد عبدالله وغيرها من الأسماء)
أتمنى أن تصلك كلماتي قبل فوات الأوان ..
أبو سعيد .. كفيت ووفيت وشد حيلك وحنا معك ,,
أتمنى أن تصل هذي الكلمات الى ياسر شخصيا أتمنى من أحد
يهتم بالمنتخب انه يوصلها .. تحياتي لهذا المنتدى الرائع