والله الشوط الثاني كانت بدايـة موفقــة للمنتخب الكوري .. دخل وهو ضاغط ومستحوذ على اللعب .. بس يلعن بليس اللي حطهـا باندونيسيا .. وعليهـم لعب هـ الكوريين كنـه سوني .. ما تفلت الكورة <- بيتكسرون .. حتى بجماهيرهـم تقنيـة وذا المعلق حق دبي قلب راسي يقول قول من الكابتن يسوري .. وصلعة الحكـم الرابـع تلمـع .. الضغط على المرمى السعودي كانت نتيجته هدف للمنتخب الكوري .. بعد غلطة من لاعب نادي الوحـدة كامل الموسى قاعـد يستنى الكورة هـ الحيوان قام ذاك قمـر فوقـه .. بعدين جا مالك دخل منطقة الجزاء بفنيلته المشقوقـة .. لما كسرهـ لاعب كوريا مع ظني ان طيحـة مالكـ معاذ كان فيها بعـض من التمثيـل .. وجـآء بلنتي للسعوديـة قام ياسـر القحطاني يشوتهـا وذب الحارس بجهة والكورة بجهـة وراح يفرح <- لا يا شيخ .. بعدين طلعوا ياسر و وقفت الكهربـاء .. 
يعني الفائدة من كل ذا الكـلام أن ياسـر نور الملعب طلع طفت الكهرباء في الملعب .. أو خافت الكهرباء من شكـل الحارثي قام فصلت نفسهـآ مدري حرقت نفسهـا .. أتوقع من وجهـة نظري الشخصيـة ان موب مكملين المباراة .. ستحسب النتيجة بالتعادل وكلهـم ياخذون نقطـة .. والمنتخب السعودي يفتقد في هذه المباراة صانـع ألعاب .. حتى عبدهـ عطيف ما نفع .. واليوم عيال القحطاني موب بيومهـم بالتوفيق لهـم .. والحين الحكـم بيبدأ اللعـب دخـل الملعب ورتب اللاعبين وقال ببدأ .. بالتوفيـق لمنتخبنا السعودي في هذا اللقاء وباذن الله تكتمل الفرحـة وترسم على محيا الجمـاهير السعوديـة .. نلتقي بعـد خمس دقايق