بسم الله الرحمن الرحيم !
سلامون من الله عليكم ورحمتن منهو وبركاته 
,
بسم الله << يا حمار قلتها خلاص 
كيفكم ان شاء الله بخير والله من زمآن عن المواضيع بالمجلس
بس لو تبون الصدق , شفت Miss TiKaNa << يا طول اسمك 
ومذهله فلوها بالمواضيع
صقعتـ(ن) الغيرهـ بذا الصبـحيه , وحلفت ما اطلـع الين أصـقعكم بموضوع
بتكلم عن اشياء كثيره مااااارهـ فـ ياليت تطولون مالكم شوي
ومن الحين , ما يهمني " عدد الردود " كثر ما يهمني " ما بـ الردود " فـ تكفون ابيها جلسه مناقشه
لأن بهذا الموضوع لازم نحط النقاط على الحروف << منتب عاقل يا بلير
التـرقيات 
شهدت اقسام منتدى القناص في الأيام الماضيه حمله ترقيات " ميب صاحيه "
كانت بمثابه " تتويج " لمن اسحق ذلك , وتحفيز لمن لم يكن له نصيب من هذه الحمله !
فيه كتآب مميزين , واقلامهم تشتكي منها الحروف ,
ولكنهم غير بارزين , لتمكلهم بعض الخوف
جميعنا فالبدايه لم يكن شيء , اما نقل مواضيع .. او لطش من هنا وهناك
واول المواضيع ماتكون الى " هناك " ولكن مع الممارسه , وطرح قضايا تستحق الطرح ,
سيسهل عليه الإبداع , وإمتاع القراء !
تذكرني كتابه المواضيع بحصه " التعبير" في بداياتها , فـ تلك الحصه " حصه والا ساره " << بدت المصاله
نرجع للحصه , بدايات الطالب فيها لا يُطلب منه ان يعبر عن " المناهج فالسعوديه مثلا " ولكن كـ بدايه تختار له المواضيع البسيطه
مثل " بر الوالدين " وغيرها , مشكلتنا هنا الإستعجال للوصول الى القمه " متناسين " المتاعب المتوجبه لبلوغها !
وصلنا الى القمه بعد " الفتره المترتبه على وصولها " , ولكن كيفيه المحافضه عليها هي اصعب من بلوغها !
تخيل عزيزي الكاتب , حينما تكتب وتمتع الجميع بروائعك , وفجأه تنقطع , لن يرحمك " محبوك " من القراء !
ولكن تصور نفسك قبل الوصول الى القمه , فإنقطاعك وبقاءك واحد !
القمه " رائعه " رغم اني لم اشم رائحتها بعد , ولكن , سنطمع لـ نيلها ,
الألفيه الأولى لي في منتدى القناص , كـ غيري سأقول ماقلوا ,
جانكيز خان , مميز , وغيرهم اعترفوا بدور منتديات القناص في صنع ربيع تلك " اليوزرات " التي لا يختلف اثنان على انهم من ابرز الأسماء !
وانا سأقول كما قالوا !
رغم اني لم اصل لما وصلوا اليه , ولكن ضميري يحتم علي القول ان " منتديات القناص , هي من تصنع الكتاب " !
فدمت ِ لنا اروع المنتديات على الإطلاق BBP
وقفه :-
حافظ على اهل القلوب " الوفيه " ,
ما كل يوم تلاقي واحد [ يحـبك ] .. !
على طاري " القلوب الوفيه " ,
النفـوس ,
سأدخلها , " رغم عدم صلاحيتي "
لاشك , الكل يعي ما وصلنا اليه من تطور فاق " سرعه الصوت والضوء " في الإنتشار بمراحل
ولكن " هل النفوس واكبت هذا التطور " بالقسوه , الخبث , الدنااءهـ !
يا جماعه اللي قاعد يصير من " دناءه الأخلاق " وإنتهاك الأنفس شي " وصخ دينيا ً قبل ان يكون اخلاقيا " !
النفوس امانه اعطانا اياها الله , وبالأخير بترجع الأمانه لربها , ليش ندنس تلك الأمانه ؟
تصوروا , فيه جماعات واحزاب , تقوم فقط على محاربه اشخاص بأعينهم فقط لغرض " ضرهم " !
وكأن الدعوه إنقلبت "حرب شوارع " , بأقلامهم " يحاربونهم ", بـأفكارهم " يهاجمونهم "
طبعا ناهيك عن " توديع الذمه والضمير " منذ وقت ٍ طوييل جدا ً !
الشخص المستهدف لا يملك سوى حاجتين
اما مقاومه ما يُدبر له , واما الإستسلام " ليس لهم " بل الى الله وتركهم , والدعاء عليهم , فالقادر الوحيد على اخذ حقك اخي المستهدف هو الله , ودعوه المظلوم مستجابه !
بالأخير , صفوا النفوس , ولا تجعلوها " ضاره " بعد ان نُفخت " عابده "
مـطآر هـيثرو , الطيـران الـسعودي ! " وع "
كـغيري , اصر الوالد " حفظه الله " على اننا نروح للندن عشان ادرس
وكغيري بعد , نشبت امي وقالت لازم نروح معه , تعرف مراهق وما ينترك لحاله وللأمانه قالت ما بزيناه لحاله بالرياض نبزاه بلندن
رحنا للمطار , على اسا ان الطياره الساعه 11 ونص , بقدره قادر صارت الساعه 1 والى الحين لا حس ولا خبر !
بعد ساعه اخرى , وصل ملاحين جدد يقولون آسف على التأخير ولكن الملاحين اعلنوا الإضراب عن العمل الين ياخذون مستحقاتهم 
اعنبوا غيركم , تأجيل رحلات وتأخيرها صارت شي عادي , تعطل المحرك اللي ننطق ساعتين بالطياره ومتعودين عليه ,
اما اضراب عن العمل مره وحده , لعدم سداد مستحقاتهم , ! موب عيب ؟!!!!
عيب والا مهوب عيب ركبنا الطياره مستعدين للإقلاع , واللي ببرج المراقبه بهيثرو يهايط على ربعنا يقول ورى ما اقلعتوا يا الهمج
يوم دق سلف الطيار وقلنا هانت , نط لنا واحد وقال : والله غيرت رأيي منيب مسافر , يا إبن الحلال الطياره بتقلع ,
قال قسم بالله منيب مسافر عطوني عفشي
على ما طلعوا عفشه وكرشوه برى , صارت الساعه 4 ونص وحنا ما بعد اقلعنا
بعد عناء طويل اقلعنا ووصلنا , اول ما وصلنا كن القيامه قامت بالمطار ,
يقولون الرجال اللي اخذ عفشه حط شي بالطياره قبل ما تقلع , امي بغت تموت الا دقيقه
واللي بالطياره نصهم صاحوا , طيب يا دبش وصلنا ولا جانا شي , وراكم خايفين , نطلي واحد وجاوب على تساؤلي قائلا ً : ياخي افرض متنا قبل ما نوصل
ما يستفاد من القصه ,
1- قبل ما تركب طيارتك استخر , شفت نفسك والله موب مرتاح , بقلعتك ! ارجع بيتكم بس لا تعطل الناس !
2- الخطوط السعوديه , وش هالديمقراطيه , الحين تحترمون رغبه الراكب , وتضربون بالباقين عرض الحائط , لا وفوق ذا ما دفعتوا مستحقات ملاحين , عمى
برب
يا دار " لاهنتي " ولا هان راعيك
لـ أهالي شعبـ (ن) كرموا رايه الدين !
حب , وكرامه , دارنا اليوم نحميك ,
ونروي ترابك من زمانا مباهين , !
يادار , لا تغشي " غشيمـ(ن) " غلط فيك !
حنا لك " جنود " , و " زنود " وملايين ! BBP
<< وجع يناظر قايد الريم
بآك
# الا على طاري " جنود وملايين " وش ذا الإعصار اللي بيجيكم ؟
اعنبوا بليسكم بس ذنوب , اعصار وسط صحراء يقولون وكالاه الأنباء حاله نادره مااااااره ,
# شات البرواز , خطوه جاااامده من مشرفينه , ياليت نشوف كل شهر شات بمختلف الأقسام
# ياسر القحطاني, كأس اسيا فرصه للعوده كـ " افضل اللاعبين بالمنتخب " وفي آسيا ( لما لا ) !
بالتوفيق لك يبو سعيد وزملاءك ! BBP
# هذا موضوع منذ مده , وبصراحه ماكانت لي نيه اكتب بس قلت لنفسي " غصب "
سبحانك الله وبحمدك , اشهد ان لا إله الا انت , استغفرك واتوب اليك BBP